Ази, номхон далайн орнуудын Олимпийн эрх олгох боксын тэмцээнийг шууд дамжуулан үзүүлж байна.

Өчигдөр манай гурван ширэн бээлийтэн дэвжээнээ гарч бүгд өрсөлдөгчдөө илт илүүрхэн ялалт байгууллаа. Тодруулбал:

• Эрэгтэйчүүдийн -52 кг жинд Х.Энхмандах Тажикстаны боксчин Шухрат Сабзалиевтэй тулалдан хоёрдугаар үед хүнд цохилтоор буулган авсан. Уг тоглолтыг нөхөж үзэхийг хүсвэл ЭНД дарна уу. /Шууд дамжуулалтын 1:36:00 цагт манай тамирчны тулаан бий/
• Эмэгтэйчүүдийн -57 кг жинд Т.Болортуул Папуа Шинэ Гвиней улсын тулаанч Флора Логатай тулалдан мөн цаг дуусахаас өмнө техникийн илт давуугаар буулган авлаа. Тус тулааныг нөхөж үзэхийг хүсвэл ЭНД дарна уу. 
• Эрэгтэйчүүдийн -69 кг жинд Б.Мишээлт Катарын боксчин Д.Дарумалингамтай тулалдан 5:0 шүүгчдийн саналаар өрсөлдөгчөө буулган авлаа. 

Өнөөдөр манай гурван боксчин тулалдах хуваарьтай ба яг одоо эрэгтэйчүүдийн -75 кг жинд О.Бямба-Эрдэнэ Сирийн тулаанчтай тулалдана. /зургаа дахь тулаан/

Харин 23:00 цагаас эрэгтэйчүүдийн -63 кг жинд Б.Чинзориг Папуа Шинэ Гвиней улсын тулаанчтай, эрэгтэйчүүдийн -81 кг жинд Н.Шинэбаяр Вьетнамын тулаанчтай тус тус тулалдана.