Японы мэргэжлийн сумо бөхийн 2020 оны эхний хацу башёгийн дөрөв дэх өдрийн барилдааныг шууд дамжуулан үзүүлж байна.
Гурван өдрийн дараах байдлаар аваргууд тус бүр нэг даваа, хоёр унаатай яваа нь энэ удаагийн башёд хэн түрүүлэх бол гэсэн хүлээлт үүсгэсэн, барилдаан бүр сонирхолтой явагдаж байна. Их аварга Хакухо М.Даваажаргал өчигдөр маэгаширагийн 1-ээс босч барилдаж буй Мёогирюуд унасан бол Какүрюү М.Ананд аварга маэгашира-2 Хокутофужид өвдөг шороодсон гурав дахь өдрийн барилдааны тоймыг үзэхийг хүсвэл ЭНД дарна уу.
Одоогоор дээд зиндаанд нэг ч унаагүй, гурван даваатай зургаан бөх барилдаж байна.
Мөн жүрёо зиндаанд экс озеки Тэрүнофужи Г.Ган-Эрдэнэ мөн нэг ч унаагүй башёг тэргүүлж байна.
Жич: Шууд дамжуулалтын бичлэг нь башё дуусахад хадгалагддаггүй тул тухайн өдрийн барилдааныг нөхөж үзэхийг хүсвэл та маргааш өглөөний тойм бичлэгийг хүлээн авч үзнэ үү.
