ОХУ-ын нийслэл Москва хотноо зохион байгуулагдаж буй таеквондогийн "Москва гран при финал-2019" тэмцээний медалийн төлөөх тулааныг шууд дамжуулан үзүүлж байна.
Энэ удаагийн "Москва гран при финал-2019" тэмцээнд анх удаа "Токио-2020" олимпийн их наадамд өмсөгдөх шинэ өмсгөлтэй тулалдаж байгаа юм. Манай сайт өчигдөр болсон тойргийн тоглолтуудыг мөн шууд дамжуулан үзүүлсэн ба хэрэв та үзэж амжаагүй бол энд даран нөхөж үзэх боломжтой.
Өнөөдөр эрэгтэйчүүдийн -68кг жинд олимпийн мөнгө, хүрэл, дэлхийн гурван удаагийн аварга БНСУ-ын И Дэ Ун энэ оны шинэхэн дэлхийн аварга Их Британыг Брадлы Синдентэй алтан медалийн төлөө тулалдахаар шалгараад байгаа бол эрэгтэйчүүдийн -58кг жинд дэлхийн чансааг тэргүүлж буй шинэхэн дэлхийн аварга БНСУ-ын Жан Жун алтан медалийн төлөө 2017 оны дэлхийн аваргын хүрэл медальт Италийн Вито Дэллакуйлатай тулалдана.
