Снукер биллиардын 43 дахь удаагийн UK Championship тэмцээний шилдэг найман тамирчин тодорлоо.
Энэ удаагийн UK Championship тэмцээн эхнээсээ тун сонирхолтой өрнөж байсан ба урьд шөнө шөвгийн 16-ийн сүүлийн тоглолтод дэлхийн тав, UK Championship тэмцээний долоон удаагийн аварга Ронни О Сулливан БНХАУ-ын Дин Жунхуйд 6:4 харьцаагаар хожигдон тэмцээнээ дуусгалаа. Хоёр тамирчны хувьд өмнө нь 20 удаа учраа тааран тоглоход 13 удаад нь Ронни хожиж, гурван удаа тэнцэж байсан түүхтэй. Харин энэ удаад Дин Жунхуйгийн хожих ээлж ирсэн бололтой.
Мөн түүнчлэн 2010 оны дэлхийн аварга Нейл Робертсон Хятадын залуу тамирчин Ян Бинтаод 6:1 харьцаагаар хожигдон тэмцээнээ дуусгалаа. Хоёр тамирчны хувьд 2015 онд "Аваргуудын аварга" шалгаруулах тэмцээнд нэг л удаа учраа тааран тоглож байсан ба уг тоглолтод Нейл Робертсон хожиж байлаа. Тухайн үед Ян Бинтао дөнгөж 15 настай байлаа.
