Японы мэргэжлийн сумо бөхийн Кюүшюү башёгийн 10 дахь өдрийн тоймыг толилуулж байна.
10 өдрийн дараах байдлаар Хакухо М.Даваажаргал их аварга башёг ганцаараа тэргүүлсэн хэвээр байна. (9-1) Түүний ард долоон даваа, хоёр унаатайгаар нэхэж буй Комүсүби Асанояама мөн учраа бөхөө давж найман даваа, хоёр унаатайгаар тэргүүлэгчдийн эгнээнд бичигдэж байна. Харин долоон даваа, гурван унаатай дөрвөн бөх жагсаж байна.
Гэмтлийн улмаас озеки цолоо алдахын сацуу зиндаа доошилсон Тэрүнофүжи Г.Ган-Эрдэнэ Макүшита зиндаанд өвдөг шороодолгүй тэргүүлсээр байна. Тэрээр жюүрёо зиндаанд дэвших ойрхон байна. Мөн түүнчлэн Жонидан зиндаанд Хокүтэнкай Г.Сүхбат өвдөг шороодолгүй тэргүүлж байна.
