Японы мэргэжлийн сумо бөхийн Кюүшюү башё эхэллээ.
Энэ удаагийн башёд Монголын 23 хүчтэн барилдахаар банцүкэ гарсан ч дээд зиндаанд Какүрюү М.Ананд аварга болон Ичиножо А.Ичинноров нар бэртлийн улмаас башёг өнжиж байна. Мөн түүнчлэн Какүрюү М.Ананд аварга дэвжээгээ өвлөн авахын тулд иргэншлээ сольж Япон улсын иргэн болох хүсэлтээ гаргасан талаарх мэдээ башёгийн эхний өдрөөс хүчтэй яригдах боллоо. Энэ талаар бид тун удахгүй дэлгэрэнгүй мэдээлэх болно.
Кюүшюү башёгийн эхний өдөр Хакухо М.Даваажаргал их аварга Комүсүби Хокутофужиг давсан бол маэгаширагийн 4-т эрэмбэлэгдэж буй Тамаваши Б.Мөнх-Оргил Томоказег давлаа. Журёогийн 13-т эрэмбэлэгдэх болсон Хошорюү С.Бямбасүрэн эхний өдөр Акисеямаг давлаа.
