Снукер биллиардын 2019/2020 оны улирлын тав дахь чансаа олгох "World Open" тэмцээн өнөөдөр албан ёсоор эхэллээ.
1982 оноос анх зохион байгуулагдаж эхэлсэн уг тэмцээн снукер биллиардын гран при ангиллаар зохион байгуулагдаж эхэлсэн түүхтэй бөгөөд 2010 оноос World Open нэртэйгээр зохион байгуулагдаж эхэлсэн ба 2012-2014 онуудад БНХАУ-ын Хайкоу, 2016-2018 онуудад Юшан хотод зохион байгуулагдах болсон байна. Энэ жил мөн БНХАУ-ын Юшан хотноо зохион байгуулагдаж байна. Ирэх 11 дүгээр сарын 3-ны өдөр хүртэл үргэлжлэн явагдах уг тэмцээнд түрүү жилийн аварга Марк Виллиамс оролцохоос татгалзсан байна. Харин дэлхийн чансааг тэргүүлэгч бусад топ тамирчид ихэнх нь оролцож байна.
Шагналын сан:
Уг тэмцээний нийт шагналын сан нь 772.000 фунт буюу монгол мөнгөөр 2.6 тэрбум орчим төгрөг юм. Түрүүлсэн тамирчин хагас тэрбум төгрөг хожих бол үзүүр түрүүнд шалгарсан тамирчин 250 сая төгрөг хожих өндөр шагналын сантай тэмцээн юм.
