Марокко улсын Марракеш хотноо жүдо бөхийн залуучуудын дэлхийн аварга шалгаруулах тэмцээн өнөөдөр гурав дахь өдрөө үргэлжлэн явагдана.

Хоёр өдрийн дараах байдлаар Япон улсын баг тамирчид нэг алт, хоёр мөнгө, гурван хүрэл медаль хүртсэн амжилтаар дэлхийн аваргад оролцож буй 81 орныг медалийн чанараар тэргүүлж буй бол манай улсын баг тамирчид нэг алт, хоёр шагналт байр эзэлсэн амжилтаар дөрөвдүгээрт эрэмбэлэгдэж байна. 

Өнөөдөр хуваарь ёсоор эмэгтэйчүүдийн -70кг, эрэгтэйчүүдийн -81кг, -90кг жингийн барилдаанууд явагдах ба манай улсаас хоёр бөх дэвжээнээ гарна. Манай бөхчүүдийн оноолтын мэдээлэлтэй танилцана уу. 

ЭРЭГТЭЙЧҮҮДИЙН -90кг:

Энэ жинд Монгол улсын жүдо бөхийн залуучуудын улсын аварга Э.Үнэнхүү эхний тойрогт гоц мөргөж улмаар хоёрдугаар тойрогт Тайванийн Ли ШенКайтай барилдах оноолттой байна. 

ЭМЭГТЭЙЧҮҮДИЙН -70кг:

Энэ жинд өсвөрийн ази тивийн аваргын хүрэл медальт Ц.Энхчимэг эхний тойрогт Нидерландын жүдоч Кок Силжатай барилдах оноолттой байна. 

Тэмцээний хуваарь /Улаанбаатарын цагаар/:

• 17:30 цагт: Жин бүрийн урьдчилсан барилдаан
• 23:00 цагт: Шигшээ барилдаан

Дэлхийн аваргын хоёр дахь өдрийн финалын барилдааныг толилуулж байна.