Гүрж улсын нийслэл Тбилис хотноо зохион байгуулагдсан бөхийн төрлүүдийн мастеруудын дэлхийн аварга шалгаруулах тэмцээнд амжилт дүүрэн оролцсон монгол бөхчүүдийнхээ барилдаануудын бичлэгийг манай сайт түүвэрлэн хүргэсээр байна

• Чөлөөт бөхийн мастеруудын дэлхийн аварга болсон Д.Бумбаярын бүх барилдааны бичлэгийг үзэхийг хүсвэл энд,
• Бүх өрсөлдөгчөө цэвэр ялж аварга болсон Н.Баатарын бүх барилдааны бичлэгийг үзэхийг хүсвэл энд дарна уу. 
• Мастеруудын дэлхийн аваргын “С” ангилал буюу 46-50 насны ангиллын 130кг мөнгөн медаль хүртсэн ОУХМ Ш.Баянмөнхийн бүх барилдааны бичлэгийг үзэхийг хүсвэл энд дарна уу.

Манай зургаан бөх хүрэл медаль хүртсэн ба өнөдөр бөх сонирхогчдодоо зориулан "E" ангилал буюу 56-60 насны ангилалд хүрэл медаль хүртсэн ОУХМ Б.Батын бүх барилдааны бичлэгийг толилуулж байна. ОУХМ Б.Бат өнгөрсөн жил Македонд хүртсэн хүрэл медалиа Тбилисид ихэрлүүлэв.

Тэрээр 1/8 шигшээд Унгарын бөхийг 4:2 харьцаагаар буулган авав. 

1/4 шигшээд АНУ-ын бөхийг 5:0 харьцаагаар хожсон байна. 

Харин хагас шигшээд Японы бөхөд 4:2 харьцаагаар хожигдсоноор хүрэл медалийн төлөө барилдахаар болсон юм. 

Улмаар хүрэл медалийн төлөө АНУ-ын бөхтэй барилдах байсан ч өрсөлдөгч бөх татгалзсанаар хүрэл медаль хүртлээ.