Манай сайт өнгөрөгч долоо хоногт болж өнгөрсөн жүдо бөхийн дэлхийн аварга шалгаруулах тэмцээний өдөр өдрийн шилдэг цэвэр ялалтуудын түүвэр бичлэгийг толилуулдаг уламжлалынхаа дагуу тав дахь өдрийн цэвэр ялалтуудын түүвэр бичлэгийг толилуулж байна. (Эхний өдрийн цэвэр ялалтуудын түүвэр бичлэгийг энд дарж, хоёр дахь өдрийн цэвэр ялалтуудыг энд дарж, гурав дахь өдрийн цэвэр ялалтуудыг энд дарж, дөрөв дэх өдрийн цэвэр ялалтуудыг энд дарж тус тус үзнэ үү)
.jpg)
ДАШТ-ний тав дахь өдөр эмэгтэйчүүдийн -70кг, эрэгтэйчүүдийн -90кг жингийн барилдаанууд явагдсан юм. Эрэгтэйчүүдийн -90кг жингийн дэлхийн чансааг тэргүүлэгч дэлхийн аваргын алт, хошой мөнгөн медальт Испанийн алдарт бөх Н.Ширазадшивилли өөрийн "эрлэг" Францийн Аксел Клергеттэй хэсэгтээ тааран хожигдож медальгүй хоцорлоо. Тэд нийт дөрвөн удаа учраа тааран барилдахад Н.Ширазадшивилли ялж үзээгүй л явна. Харин Нидерландын Ван Т Энд Нойл энэ мөчөөс эхлэн дэлхийн аварга хэмээн цоллуулах эрхтэй боллоо.
.jpg "Эрэгтэйчүүдийн -90кг жингийн медальтнууд")
Эмэгтэйчүүдийн -70кг жинд түрүү жилийн дэлхийн аваргаас мөнгөн медаль хүртсэн Францын Гахие Марие Эв дутуугаа гүйцээж алтан медаль хүртлээ. 2017, 2018 онуудад дараалан энэ жинд түрүүлсэн Японы алдарт бөх Арай Чизуру энэ жил хэсгээсээ гарч чадалгүй тэмцээнээ дуусгалаа. Түүнийг ялсан Португалийн Тимо Барбара анх удаа дэлхийгээс медаль хүртсэн нь мөнгөн медаль байлаа. Өдгөө 32 настай олимпын хүрэл медальт Их Британийн Конвэй Салли олимпын медалиа дэлхийн аваргын хүрэл медалиар ижилсүүллээ.
