Манай сайт өнгөрөгч долоо хоногт болж өнгөрсөн жүдо бөхийн дэлхийн аварга шалгаруулах тэмцээний өдөр өдрийн шилдэг цэвэр ялалтуудын түүвэр бичлэгийг толилуулдаг уламжлалынхаа дагуу гурав дахь өдрийн цэвэр ялалтуудын түүвэр бичлэгийг толилуулж байна. (Эхний өдрийн цэвэр ялалтуудын түүвэр бичлэгийг энд дарж үзнэ үү, хоёр дахь өдрийн цэвэр ялалтуудыг энд дарж)

ДАШТ-ний гурав дахь өдөр эмэгтэйчүүдийн -57кг, эрэгтэйчүүдийн -73кг жингийн барилдаанууд явагдсан юм. Нэн түрүүнд эрэгтэйчүүдийн -73кг жингийн барилдааныг онцлох нь зүйтэй болов уу. Учир нь уг жинд олимпын аварга Ш.Оно бүх өрсөлдөгчөө хугацаанаас өмнө цэвэр савсаар гурав дахь удаагаа дэлхийн аварга болж байна. Мөн түүнчлэн олимп дэлхийн мөнгөн медальт Азербейжаны Р.Оружов дахин мөнгөн медаль хүртлээ. 

Эмэгтэйчүүдийн -57кг жинд өнгөрсөн жил дэлхийн аваргаас хүрэл медаль хүртэж байсан Канадын К.Дэгүчи аваргын алтан медалийг хүртлээ. Харин өнгөрсөн онд дэлхийн аварга болсон Японы Ё.Цукаса дэлхийн аваргын хошой мөнгөн медальтан боллоо.