Эмэгтэйчүүдийн волейболын ази тивийн аварга шалгаруулах тэмцээн эхэллээ.
Энэ сарын 18-25 өдрүүдэд БНСУ-ын Сөүл хотноо зохион байгуулагдах эмэгтэйчүүдийн волейболын ази тивийн аварга шалгаруулах тэмцээнд ази тивийн сонгогдсон 13 баг дөрвөн хэсэгт хуваагдан өрсөлдөнө. 1975 онд анх Австралийн Мелбурн хотноо зохион байгуулагдаж эхэлсэн тивийн аварга шалгаруулах тэмцээнд өнөөдрийг хүртэл БНХАУ нийт 13 удаа түрүүлж, гурван удаа үзүүрлэж, нэг удаа хүрэл медаль хүртсэн байдаг. БНСУ-ын хувьд түрүүлж үзээгүй ба энэ жил анх удаа нутагтаа тивийн аварга шалгаруулах тэмцээнийг зохион байгуулж буй нь энэ юм. Хамгийн сүүлд буюу 2017 оны АШТ-д хүрэл медалийн төлөөх өрсөлдөөнд БНСУ-ын баг БНХАУ-ын багийг 3:0 харьцаагаар буулган авч хүрэл медаль хүртсэн.
Өчигдөр хэсгийн эхний тоглолтууд явагдсан ба дараах үр дүнг үзүүлээд байна.
А хэсэгт:
- БНСУ 3:0 Иран
В хэсэгт:
- Австрали 0:3 Казахстан
- Япон 3:0 Энэтхэг
- Япон 3:0 Казахстан
- Энэтхэг 1:3 Австрали
С хэсэгт:
- Тайланд 3:1 Тайвань
D хэсэгт:
- БНХАУ 3:0 Шириланка
Өчигдрийн тоглолтуудаас А хэсгийн тоглолт болох тэмцээнийг зохион байгуулагч эзэн орон БНСУ болон Иран шигшээ багуудын тоглолтыг бүрэн эхээр нь толилуулж байна.
