"Эрдэнэт" үйлдвэрийг барьцаалж, Өмнөд Африкийн "Стандарт" банкнаас авсан зээлийн маргааныг дуусгахын тулд Засгийн газраас шийдвэр гарган, тус үйлдвэрээс 40 сая ам.долларыг дундын зуучлагч "Ocean partners" компаниар дамжуулан шилжүүлснээр энэ хэрэг хаагдаад байгаа. Харин энэ маргаан хаагдаагүй байж магадгүй, дундаас нь хэдэн сая доллар алдагдсан байж магадгүй байна хэмээн УИХ-ын гишүүн О.Баасанхүү мэдэгдэж, 40 сая ам.долларын баримтыг харуулахыг шаардаж байсан юм.

Үүнтэй холбогдуулан өнөөдөр ЗГХЭГ-ын дарга Л.Оюун-Эрдэнэ баримтыг харууллаа. Энэхүү баримтаар "Стандарт" банктай холбоотой Арбитрын маргаан эцэс болжээ. 

Одоо нэг чухал асуудал үлдээд байгаа нь энэхүү 40 сая ам.долларын хөрөнгийг хэрхэн барагдуулах вэ гэдэг талаар сайд Л.Оюун-Эрдэнэ "Ш.Батхүүгээс нийт 52 тэрбум төгрөгийн хөрөнгө хураагдаад байгаа. Нэмэгдвэл 85-87 тэрбум хүрч магадгүй гэж надад мэдээлсэн. ШТС-уудын хувьд 7-8 аж ахуйн нэгж рүү шилжүүлсэн, өрөндөө өгсөн гэх мэт асуудлууд байна. Судлах ажил их байна" гэлээ. 

Ингээд та бүхэнд энэ тухай ярьсан товч бичлэгийг хүргэе.   

---