2018.01.03-ны өдөр ХХААХҮ-ийн сайдаар Б.Батзориг ажиллаж байхдаа А01 тушаалаар "ЖДҮ хөгжүүлэх сангаас урт хугацаатай, хөнгөлөлттэй зээл олгох төсөл сонгон шалгаруулах журам"-д өөрчлөлт оруулж, зээл олгох төслийн 6.7 дахь заалтыг хүчингүй болгосон байдаг.

Журмын 6.7-д төсөл нь сонгон шалгаруулалтад тэнцсэн, эх үүсвэрээ хүлээж байгаа төслүүдийг санхүүгийн эх үүсвэр орж ирэхэд нэн тэргүүнд санхүүжүүлэхээр заасан байжээ. Гэвч  санхүүжилтээ хүлээсэн 54 ААН зээлээ авч чадахгүйд хүрсэн юм. Тэдгээр 54 ААН-ийн 33 нь тодорхой хэмжээгээр зээл авсан бол үлдсэн 21 ААН нь санхүүжилт огт аваагүй байна.

Харин энэ хууль бус тушаалыг эсэргүүцсэн хуульчид, жижиг дунд бизнес эрхлэгчид шүүгэчид хандаад байсан юм. Тэгвэл өнөөдөр/2019.06.10/ Нийслэлийн захиргааны хэргийн давж заалдах шатны шүүхээс ХХААХҮ-ийн сайдын 2018.01.03-ны өдрийн А01 дугаар тушаалыг хууль бус байсныг тогтоож, хүчингүй болгожээ.

Ингэснээр эрх ашиг нь хөндөгдсөн 54 ААН зээлээ нөхөж авах боломжтой болж байгаа ажээ.  

---