LIVE: О.Анхзул: “JOB EXPO-2019” ажлын байрны үзэсгэлэн яармаг энэ сарын 17-18-нд болно

МУ CONTENT

Шинэ мэдээ

Видео мэдээ, Танд хэрэгтэй

LIVE: О.Анхзул: “JOB EXPO-2019” ажлын байрны үзэсгэлэн яармаг энэ сарын 17-18-нд болно

 

“JOB EXPO-2019” ажлын байрны олон улсын үзэсгэлэн яармаг энэ сарын 17-18-нд болох гэж буйтай холбогдуулан зохион байгуулагчид нь өнөөдөр ХААИС-ийн оюутнуудтай уулзалт хийлээ. Уг уулзалтаас манай сурвалжлах хэсэг тодруулга бэлтгэлээ

“JOB EXPO-2019” ажлын байрны үзэсгэлэн яармагийн зохион байгуулагч О.Анхзул

"Ажил идэвхитэй хайж байгаа залуусыг ажил олгогч нартай холбон уулзуулах зорилготой энэхүү үзэсгэлэн маань энэ жил анх удаа зохиогдож байгаа хэдий ч бид цаашид жил бүр уламжлал болгон тогтмол зохион байгуулахаар төлөвлөж байна. Ер нь бол ажлын байрны үзэсгэлэн яармаг маань энэ сарын буюу 5 дугаар сарын 17, 18-ны өдрүүдэд Блью скай тауэрийн 3-р давхарт болно. 30 орчим байгууллагын 1200 шахам ажлын байр нээлттэй зарлагдсан. 

Үүрэн телефоний операторууд, банк санхүүгийн байгууллага, уул уурхайн компаниуд гэх мэт маш олон компани нээлттэй ажлын байраа “JOB EXPO-2019” ажлын байрны үзэсгэлэн яармаг дээр танилцуулах юм" гэлээ.

-Ямар ямар мэргэжлийн хүмүүс энэ үзэсгэлэн яармагт оролцвол илүү ажлын байр олдох бол?

-Бүх төрлийн ажлын байр нээлттэй байна. Санхүү, мэдээлэл технологийн IT инженерүүд байх болов уу. Дээрээс нь Японы компаниудын төлөөлөл мөн оролцоно. Тэд маань инженерийн чиглэлээр Японд ажиллах сонирхолтой залуусыг ажилд авахаар урьж байгаа. 

-Энэ жилийн экспо их дээд сургууль төгсөх үеэр зохион байгуулагдаж байгаагаараа нилээн онцлог байна л даа. Төгсөгчид маань энэ үзэсгэлэн яармагт ирээд шууд ажлын байраа олж чадах болов уу?

-Тийм ээ. Манай экспогийн нэг давуу тал нь нээлттэй ажлын байрууд байна. Ажил олгогчид маань ажлын байр хүсэгчидтэй уулзаад таалагдах юм бол тэндээ ажлын ярилцлага шууд хийнэ. Тэнцвэл шууд ажилдаа орно. 

-Энэ үзэсгэлэнд оролцохын тулд ямар нэг такс төлөх юм уу, бүртгүүлэх шаардлага бий юу?

-Үзэсгэлэн маань үнэ төлбөргүй, хүн бүрт нээлттэй. Бүртгэлийг бол компаниуд маань өөрсдөө бүртгэх учраас урьдчилсан бүртгүүлэх шаардлаггүй.

-Хэдээс хэдэн цагийн хооронд үзэсгэлэн яармаг болох билээ?

-5 дугаар сарын 17-ны өдрийн 14:00-18:00 цагт, 18-ны өдрийн 11:00-18:00 цагуудын хооронд Блью скай тауэрийн 3-р давхарт болно. Та бүхнийг урьж байна. 

ХААИС-ийн оюутнууд "Бид энэ ажлын байрны үзэсгэлэн яармагт оролцоно гэж бодож байгаа. Нээлттэй олон төрлийн ажлын байр байгаа учраас бидний мэргэжлийн төгсөгчдөд таарах ажлын байр байгаа байх. Очиж уулзана, туршлага судална гэж бодож байгаа" гэлээ. 

Санал болгох

0 Сэтгэгдэл

Сэтгэгдэл үлдээх