Их Британийн домогт хөлбөмбөгчин Дэвид Бекхэм жолооны ард суух эрхээ хагас жилээр хасуулсан тухай CNN мэдээлжээ. Олны хайр хүндлэлийг хүлээсэн алдарт хөлбөмбөгчин жолоо барьж байхдаа гар утсаа хэрэглэж байснаас ийн шийтгүүлсэн байна.

Энэ жил 43 настай Бекхэм өмнө нь таван удаа зөрчил гаргасан байсан ба энэ удаагийнх зургаа дахь нь болсноор хуулийн дагуу жолоо барих эрхийг нь түр хугацаанд түдгэлзүүлсэн тухай Лондон хотын шүүх мэдэгджээ. Өмнөх зөрчлүүд нь ихэвчлэн хурд хэтрүүлсэн байгаа юм.

Манчестер Юнайтед багт тоглож байсан Английн хөлбөмөгчин Bentley загварын машинаа унаж явахдаа урдах замаа харалгүй гар утас руугаа анхаарлаа төвлөрүүлэн явж байсанд олон нийтийн зүгээс удаа дараа гомдол гаргасан байна. Бекхэм гар утсаа өвдгөн дээрээ тавьж явсныг гэрчүүд харж зургийг нь даржээ.

Гэвч домогт хөлбөмбөгчний өмгөөлөгч Геррард Тайрелл өнгөрсөн оны 11 дүгээр сард болсон үйл явдлын талаар үйлчлүүлэгч нь огт санахгүй байгааг мэдэгдсэн байна. Тэрээр хөлбөмбөг сонирхогчдын хайртай тамирчин байсан ч спортоо орхин бизнес хийх болсон. Одоогоор Флоридагийн Майамид 25 дахь MLS буюу Америкийн хөлбөмбөгийн тэргүүн лигийн эрхийг авчрахаар ажиллаж байгаа юм байна.

 

Эх сурвалж: www.cnn.com

---