Дэлхийн долоон гайхамшгийн нэг Их Британи дахь Stonehenge элсэн чулуун цогцолбороос 60 жилийн өмнө алдагдсан чулуу эргэн ирсэн байна. 1958 онд хийсэн археологийн малтлагын үеэр цогцолборын голд байсан метр орчим урт тулгуур чулууг хөдөлгөжээ.

89 настай Роберт Филипс чулууг эргүүлэн өгөх шийдвэр гаргах хүртэл хэн ч чулууг хаана байсныг нь мэдээгүй байна. Эртнээс улбаатай өвөрмөц тогтоц бүхий чулуунуудыг чухам хаанаас авчирсныг мэдэхийн тулд дээж авах хэрэгтэй гэж мэргэжилтнүүд үзэж байгаа юм.

60 гаруй жилийн өмнө явуулсан судалгааны үеэр цогцолборын голоос гурван тулгаар чулууг малтаж гаргасны нэг цуурсныг төмөр утсаар холбосон байдаг. Ноён Филипс Америк руу цагаачлан тэтгэвэртээ гарч Флоридад амьдардаг бөгөөд өдийг хүртэл чулууг хадгалж иржээ. Ажлынхаа газарт хуванцар хайрцагт хадгалж байгаад хожим Америк дахь гэрийнхээ хананд өлгөсөн байжээ.

 

 

Уг эрхэм тухайн үед алмааз эрдэнэ засч янзалдаг үйлдвэрт ажилладаг байсан ба ажилдаа туслахаар аварга чулууг авчирсан аж. Эрдэмтэд тулгуур гурван чулууг газраас сугалж гаргах үед Филипс нэгийг нь авч, 60 жил хадгалсны эцэст 90 насны ойн босгон дээрээ эргүүлэн өгөхөөр шийджээ.

МЭӨ үеэс үүдэлтэй дэлхийн долоон гайхамшгийн нэг Stonehenge-ээс хоёр чулуу дутуу ба хэрэв тэднийг хаан байгааг мэдэх хүн байвал холбоо барихыг Их Британийн өв соёлыг хамгаалах газраас мэдэгдсэн юм.

 

Эх сурвалж: www.bbc.com

---