З.Баянсэлэнгэ: УИХ-ын гишүүн асан Д.Гантулга буруугүй, хүчиндүүлсэн Н буруутан болж хувирсан

МУ CONTENT

Шинэ мэдээ

Гэмт хэрэг

З.Баянсэлэнгэ: УИХ-ын гишүүн асан Д.Гантулга буруугүй, хүчиндүүлсэн Н буруутан болж хувирсан

З.Баянсэлэнгэ: УИХ-ын гишүүн асан Д.Гантулга буруугүй, хүчиндүүлсэн Н буруутан болж хувирсан

 

МАХН-ын эмэгтэйчүүдийн холбооноос мэдээлэл хийлээ

Тэд "Хүчирхийлэлгүй Монгол улсын төлөө" гэсэн мэдэгдэл гаргажээ. Хэнтий аймгаас сонгогдож УИХ-ын гишүүн болсон ч хүчингийн хэрэгт холбогдож, гишүүний бүрэн эрхээсээ түдгэлзсэн Д.Гантулгыг ял зэмгүй өнгөрөөж байгааг эсэргүүцэж байна гэлээ.

МАХН-ын гишүүн С.Удвал:

"Манай улсад хүчирхийллийн эсрэг тэмцэхэд хууль, бодлого, хөрөнгө мөнгө хангалттай бий ч сэтгэл, хүсэл зорилго алга. Ерөнхий сайд У.Хүрэлсүхийн ахалдаг "Хүүхдийн төлөө үндэсний зөвлөл" гэж бий. Уг зөвлөл онцгой байдал зарласан байх ёстой байтал ямар ч дуу чимээгүй сууж байна. 

Эмэгтэй хүнийг хүчирхийлсэн, бага насны хүүхдийг зодсон өч төчнөөн хэрэг гарсаар байхад энэ хороо ажлаа хийхгүй байгаад туйлын харамсаж байна. Тэр ч байтугай хүчингийн хэрэгтэн Д.Гантулгыг МАН-ынхан ял зэмгүй өнгөрөөж, өмгөөлөн хамгаалж байна" гэлээ. 

МАХН-ын гишүүн З.Баянсэлэнгэ:

"Нэгэнт төр засаг ажлаа хийхгүй байгаа учраас монголчууд бид нэгдэж тэмцье. Д.Гантулга энхийн цагаа тагтаа болж хувирч, хүчиндүүлсэн эмэгтэй Н нь буруутан болж хувирсан. Ардчилсан намынхан гэхэд л хүчингийн хэрэгтэн Д.Гантулгыг өмөөрч, буцаагаад УИХ-ын гишүүн болгох гээд явж байна. МАН дуртай үедээ шүүхийн байгууллага, хууль цагдаад нөлөөлж өөрсдийн хүссэн шийдвэрээ гаргуулж байна.

МАХН-ын эмэгтэйчүүдийн байгууллага хүүхэд, гэр бүлийн хүчрхийллийн талаар удаа дараа мэдэгдэл хийж байсан. Бид эрх баригч биш учраас ийм маягаар л дуу хоолойгоо хүргэж байна. 60 тэрбумаар боссон төрийн алба хариуцлагын тогтолцоогүй болсон учраас нийгэм хохирч байна" гэлээ. 

Санал болгох

1 Сэтгэгдэл

  1. зочин

    Бид хүнийг гүтгэх, гүжирдэхдээ, хүний нэр төрийг гутаахдаа үнэхээр гаршжээ.

Сэтгэгдэл үлдээх