Монгол Улсад хөдөлмөр, нийгмийн хамгааллын салбар байгуулагдсаны 60 жилийн ойг угтан "Нээлттэй хаалганы өдөрлөг" өнөөдөр 10 цагт Сүхбаатарын талбайд нээлтээ хийсэн.

Өдөрлөгийн үеэр Монгол Улсын Ерөнхийлөгчийн санаачилгаар ХНХЯ, Цагдаагийн ерөнхий газартай хамтран хэрэгжүүлэх “Хүүхэд хамгаалагч” туршилтын төслийн нээлтийн үйл ажиллагаа боллоо. Нээлтэд Монгол улсын Ерөнхийлөгч Х.Баттулга оролцож байна.

Энэхүү төслийг мөн Парламент дахь эмэгтэйчүүдийн зөвлөл дэмжиж ажиллаж байгааг УИХ-ын гишүүн Д.Оюунхорол тайзнаа үг хэлэхдээ онцлон тэмдэглэлээ. 

ЦЕГ-ын Хүүхдийг гэмт хэргээс урьдчилан сэргийлэх тасгийн дарга, Цагдаагийн ахмад Д.Будзааны мэдээлснээр "Энэ төслийг хэрэгжүүлснээр иргэдийн оролцоо нэмэгдэнэ. Манайхаас бусад оронд хүүхэд хамгаалалд иргэдийн оролцоо чухал үүрэгтэй байдаг. Мөн камержуулах ажил чухал байна. Үндсэндээ иргэдийн оролцоо өндөр, сүүлийн үеийн тоног төхөөрөмжийн тусламжтайгаар хүүхдээ илүү хамгаалж чадна. Төсөл он дуустал үргэлжилнэ" гэлээ. 

 

---