Өнөөдөр 11 цагаас нийслэл Улаанбаатар хотод бүх нийтийн их цэвэрлэгээ нэгэн зэрэг эхэлнэ. Улаанбаатар хотын Захирагчийн ажлын албанаас жил бүр зохион байгуулдаг энэхүү арга хэмжээний хүрээнд иргэд, ААН, байгууллагууд 90 минутын турш ойр орчмынхоо хог хаягдлыг цэвэрлэж, хана, фасад, цонх, хаяг, хаягийн байгууламж, сандал, хогийн сав, үүд довжоогоо угааж, гадна талбайгаа угааж цэвэрлэх юм.

Энэ жилийн их цэвэрлэгээний үеэр нийслэлийн есөн дүүрэгт 30 байршилд дахин боловсруулах хог хаягдлыг урамшуулалтай үнээр худалдаж авах юм байна.

---