Математик, физикийн гүнзгийрүүлсэн сургалттай Нийслэлийн ерөнхий боловсролын 11 дүгээр сургуулийн захиргаанаас Монгол хэл бичгийн улсын олимпиадын хоёрын даваанд амжилттай оролцсон 9а ангийн багш, суралцагчдадаа  шагнал гардуулах ёслолын арга хэмжээг өнөөдөр зохион байгууллаа.

Улсын төрөлжсөн олимпиадын Монгол хэлний төрлийн хоёрдугаар шатанд оролцсон 9а ангийн сурагчид дундаж оноогоороо нэгдүгээр байр эзэлж, Улсын аваргын төлөө өрсөлдөх эрхээ авсан байна.

Засгийн газрын 2016 оны 37-р тогтоолоор Элсэлтийн ерөнхий шалгалтын журамд өөрчлөлт оруулсан. Ингэснээр Монгол хэл, бичгийн шалгалтад тэнцсэн хүүхэд бусад их, дээд сургуульд өрсөлдөх эрхтэй болдог болсон нь сурагчид монгол хэл бичгээ шамдан суралцах нэг томоохон шалтгаан болсон байна.

---