Монгол Улс 2.2 сая идэвхтэй Фэйсбүүк хэрэглэгчтэй. Та болон таны хүүхэд энэ тоонд багтаж байгаа бол цахим орчин дахь аюулгүй байдал, дижитал бичиг үсгийн талаар мэдлэгтэй болох нь зайлшгүй эзэмших ёстой чадвар юм.

Гэтэл 11-18 насныхан буюу ЕБС-ийн сурагчид сургалтын хөтөлбөрийн хүрээнд дээр дурдсан чадварт суралцах боломжгүй байна. Тиймээс "Faro Foundation Mongolia" төрийн бус байгууллага Фэйсбүүк компанийн дэлхий даяар хэрэгжүүлж буй цахим орчинд хүүхдийг хамгаалах, хүлээж авсан мэдээлэлдээ үнэлэлт дүгнэлт өгч сургах зорилго бүхий хөтөлбөрийг орчуулан, сургагч багш, сурагчид, эцэг эхчүүдэд хүргэхэд бэлэн болжээ.

Фэйсбүүкийн орон нутгийн аюулгүй байдлын хөтөлбөрийн хамтрагч "Faro Foundation Mongolia" ТББ-ын үүсгэн байгуулагч А.Бямбажаргалыг “Цайны цагийн зочин” буландаа урьж дээрх хөтөлбөрийн талаар сонирхолтой яриа өрнүүлсэн юм.

Түүнчлэн "Faro Foundation Mongolia" ТББ-ын үүсгэн байгуулагч А.Бямбажаргал нь Дэлхийн алдарт Forbes сэтгүүлийн Ази тивийн “30 Under 30 Asia” буюу Азийн 30 Хүртэлх насны шилдэг бизнес эрхлэгчдийн жагсаалтад багтсан билээ.

 Faro Foundation Mongolia нь хөтөлбөрийн эхний шатны хүрээнд улсын хэмжээнд 20 сургуультай хамтарч байна.

Хөтөлбөрт хамрагдсан: Сургуулийн нэрс:

1.    11-р сургууль

2.    1-р сургууль

3.    52-р сургууль

4.    12-р сургууль

5.    45-р сургууль

6.    20-р сургууль

7.    28-р сургууль

8.    115-р сургууль

9.    23-р сургууль

10.  93-р сургууль

11.  44-р сургууль

12.  5-р сургууль

13.  Өсвөрийн Зохион бүтээгчдийн Сургууль

14.  Эрдмийн өргөө цогцолбор

15.  Төгс дэлгэрэх сургууль

16.  Эрдмийн ундраа сургууль

17.  Шинэ Монгол сургууль

18.  Ирээдүй цогцолбор

19.  Hobby сургууль

20.  Орчлон сургууль

 

 

---