М.Туяа

НИТХ-ын Тэргүүлэгчдийн тогтоолоор улсын дугаарын хязгаарлалтын цагийн хуваарь, замын бүсчлэлд өөрчлөлт оруулсан билээ . Үүний дагуу өнөөдрөөс дугаарын хязгаарлалт замын бүсчлэлийн зуны хуваарьт шилжиж байна. Дугаарын хязгаарлалтын цагийн хуваарь улирал хамаарахгүй 08.00-20.00 цаг байдаг. Харин зуны бүсчлэлд шилжих үед буюу өнөөдрөөс аравдугаар сарын 15-ныг хүртэл замын хязгаарлалтыг тэлнэ гэсэн үг. Товчхондоо, өвлийн улиралд замыг дугаарын хязгаарлалтаас чөлөөлж, хумих бодлого баримталдаг юм. Тэгэхээр өвлийн бүсчлэлд Таван шараас Саппорогийн уулзвар хүртэл дугаарын хязгаарлалт үйлчилдэггүй бол зуны хуваарьт шилжсэнээр энэ замд дугаарын хязгаарлалт үйлчилж эхэллээ. Ирэх аравдугаар сарын 15-наас эргээд өвлийн хуваарьт шилжинэ.

---