IPhone 6s –ээс хойш үйлдвэрлэгдсэн Apple-ын бүх гар утсанд “Hey Siri” гэж хэлээд ямар нэг заавар өгөхөд биелүүлдгийг та мэдэх байх. Энэ нь та гар утсаа хаа нэгтээ үлдээсэн үед гэнэт хэн нэгэнтэй холбоо барих, гэрэл асаах хэрэг гарвал бусдын гар утсыг түр ашиглаж болох тохиргоо юм.

“Hey Siri” гэх шидэт үгийг ашиглан та бусдын цоожтой гар утаснаас зурвас илгээж, дуудлага хийж болно. Нөгөө талаар хэн нэгэн iPhone гар утсаа хаяж гээснийг олбол шидэт үгийг ашиглан хамгийн сүүлд залгасан дугаарлуу залгаж эсвэл зурвас илгээж устыг нь олсон гэдгээ мэдэгдэж болох юм. Шидэт үгийг та өөрийнхөө гар утсан дээр ч хэрэглээгээ хялбарчлан ашиглана. Тухайлбал гар утасныхаа Siri-д “Дэйв рүү зурвас бич” гэж хэлэхэд автоматаар Дэйвийн дугаарлуу зурвас бичихэд бэлэн болно.

Хамгийн ээдрээтэй нь та гар утсаа хулгайд алдсан тохиолдолд таны дуу хоолойны өнгөтэй төстэй этгээд утсыг тань ашиглах боломжтой гэсэн үг юм. Google Assistant, Amazon’s Alexa нэг хүний дуу хоолойг нөгөө хүнийхээс ялгадаг ч Apple Siri хараахан тийм үйлдлийг хийдэггүй. Аюулгүй байдлын үүднээс дуу хоолойг илүү нарийн таних талаар Apple цаашид хэрхэн ажиллах нь тодорхойгүй байгаа юм. “Hey Siri” хэрэгцээтэй байж болох ч шаардлагагүй гэж үзвэл та доорх заавраар унтраагаарай.

Settings цэс рүү орж доош гүйлгэн “Siri&Search” товчлуур дээр дарж өөрийн сонголтоор тохируулна.

 

Эх сурвалж: www.qz.com

---