УИХ-ын чуулганы ээлжит бус хуралдаан өнөөдөр 19:00 цагт эхэлж 22:00 цаг хүртэл үргэлжиллээ. Энэ удаагийн хуралдаанаар гурван асуудлыг хэлэлцлээ. 

Хэлэлцэх асуудлын хамгийн сүүлд Монгол Улсын ерөнхийлөгч Х.Баттулгын санаачилсан Шүүгчийн эрхүйн байдлын тухай хууль, Прокурорын байгууллагын тухай хууль, Авилгын эсрэг хуульд нэмэлт, өөрчлөлт оруулах хуулийн төслүүдийг хэлэлцэн чуулганд оролцсон гишүүдийн дийлэнх буюу 81,8 хувийн саналаар дэмжсэн юм.

Эдгээр хуулийн төслүүдийг АН-ын бүлэг Үндсэн хууль зөрчсөн гэж үзэн мэдэгдэл хийж, чуулганы танхимыг орхин гарсан ч УИХ-ын чуулганы ирц хүрэлцэж байсан учир үргэлжлүүлэн хэлэлцээд дэмжлээ. Ингэснээр уг хуулийн төслүүдийг анхны хэлэлцүүлэгт бэлтгүүлэхээр Хууль зүйн байнгын хороонд шилжүүллээ. Маргааш/03.27/ Хуульзүйн байнгын хороо 09:00 цагт хуралдаж харин УИХ-ын чуулганы нэгдсэн хуралдаан 11:00 цагт эхэлж дээрх хуулий төслүүдийг хэлэлцэх юм.

Санал хураалт явуулахад чуулганд оролцсон 55 гишүүний 45 нь дэмжиж, 10 гишүүн татгалзлаа.

Татгалзсан гишүүдийн нэрсийг танилцуулж байна:

Л.Амарзаяа,

Ж.Бат-Эрдэнэ

Ц.Мөнх-Оргил

Б.Наранхүү

Н.Оюундарь

А.Ундраа

Д.Хаянхярваа

Ц.Цогзолмаа

М.Энхболд

Ж.Эрдэнэбат нар татгалзжээ. Эдгээр гишүүд хууль шүүхийн байгууллагуудын удирдлагуудыг зөвхөн Үндэсний аююулгүй байдлын зөвлөмжөөр томилдог байх нь буруу бөгөөд энэ нь УИХ-ын хараат бус байдалд нөлөөлж, хууль, шүүхийн байгууллагуудын хараат бус байдалд хөндлөнгөөс нөлөөлөх гаж буруу тогтолцоог хэвшүүлж байна гэсэн байр суурьтай байгаа юм.

 

---