™ watch
™ watch
Иргэний үнэмлэхээ хаяж үрэгдүүлсэн, гэмтээсэн тохиолдолд дахин авах хүсэлтийг цахим хэлбэрээр шийдэх үйлчилгээг УБЕГ нэвтрүүллээ. Иргэд маань улсын бүртгэлийн цахим систем www.burtgel.mn сайтаар орж захиалах боломжтой. Тухайн иргэн харьяалал харгалзахгүйгээр интернэтээр захиалаад хаанаас ч авах боломжтой бөгөөд өөрөө болон тухайн иргэний хамаарал бүхий этгээд цахим үнэмлэхийг нь хүлээж авах хорооноос авах боломжтой болж байгаа юм.
Цахимаар захиалахад 48300 төгрөг төлнө. Захиалгаа аль ч банкны төлбөр тооцоогоор хийх боломжтой. Захиалга баталгаажсаны дараа Улаанбаатар хотод хүлээн авах бол 3-5 хоног, хөдөө орон нутагт 10 хоногийн дараа цахим үнэмлэхээ авна. Жишээлбэл: Ховд аймагт цахимаар захиалаад Улаанбаатар хотоос авах бүрэн боломжтой. Иргэн та 16, 25, 45 нас хүрсэн бол цахим үнэмлэхээ шинэчлэн захиалахдаа заавал Улсын бүртгэлийн харьяа газарт өөрийн биеэр очин захиална.
УБЕГ-ын дарга Б.Баасандорж "УБЕГ 2019 оны гуравдугаар сарын 19-ний өдрөөс иргэний үнэмлэхийг цахимаар захиалах ажлыг албан ёсоор эхлүүлээд байна. Өнгөрсөн онд 224,000 гаруй иргэн иргэний үнэмлэх захиалж авсан. Үүнээс 40 хувь дахин захиалга болон хаясан гээсний улмаас авсан байгаа юм. Эдгээр иргэдийн чирэгдлийг багасгаж байна. Гадаад паспортыг онлайнаар захиалах үйлчилгээг хэзээ нэвтрүүлэх талаар хугацааг тодорхой хэлж мэдэхгүй байна. Энэ ондоо багтаан уг үйлчилгээг нэвтрүүлэхээр зорин ажиллаж байгаа.
Иргэний цахим үнэмлэхийн чип дээр доорх таван мэдээллийг агуулдаг,
Цахим иргэний үнэмлэхийн шинэ загварыг гаргаад байгаа бөгөөд шинэчилсэн загварыг баталбал хаягийг чипэн дээр хадгалж, ил бичихгүй болно. Мөн иргэн бүрт байдаг регистер, иргэний үнэмлэх, ЭМД гэх мэт нийт 10 орчим дугаарыг бүгдийг нь чип дотор агуулж, иргэний үнэмлэх дээр ганцхан улсын бүртгэлийн 12 оронтой дугаарыг ил бичихээр төлөвлөж байгаа.
Регистерийн дугаарыг л хараад тухайн хүний нас, төрсөн газар, хүйсийг мэдэх боломжтой. Тиймээс энэ дугаарыг ил бичихгүй байх шийдэл яригдаж байна" хэмээв.
