Их Британийн бүрэлдэхүүн Английн канцлер Филип Хэммонд 11-18 насны охидод ариун цэврийн хэрэглэлийг үнэгүй тараах Засгийн газрын хөтөлбөрийг бүрэн санхүүжүүлэхээр боллоо.

Ахлах дунд сургуулийн сурагчид болон коллежийн оюутнуудад сарын тэмдэг ирсэн үед ариун цэврийн хэрэглэлийг үнэгүй олгох юм.

Уг хөтөлбөрийг Боловсролын газраас дэмжсэн ба ирэх намраас хэрэгжиж эхэлнэ гэдгийг Хэммонд мэдэгджээ.

Их Британийн 1,000 эмэгтэйн дунд явуулсан 2017 оны судалгаагаар тэдний 10 хувь нь ариун цэврийн хэрэглэл худалдаж авах боломжгүй, 15 хувь нь хүндрэлтэй худалдаж авдаг бол 12 хувь нь  ариун цэврийн хэрэглэл орлуулагч ашигладаг гэжээ.

Мөн сургуулийн сурагчдыг үнэгүй ариун цэврийн хэрэглэлээр хангахыг шаардсан жагсаал Лондоны төв гудамжинд болж 2,000 гаруй хүн оролцсон байна.

Шотландын Засгийн газар 2018 оны наймдугаар сараас дээрхтэй ижил хөтөлбөр хэрэгжүүлж эхэлсэн.

Их сургууль, коллеж, ахлах дунд сургуулийн оюутан сурагчдад сарын тэмдгийн үеэр үнэгүй ариун цэврийн хэрэглэлээр хангахад 6,8 сая ам.долларын төсөв бүрдүүлжээ.

Үүгээр Шотланд дэлхийд анхдагч болсон юм.

Эх сурвалж: www.cnn.com

---