Бразилийн Сан Пауло хотын ойролцоо байдаг Сузано сууринд зэвсэгтэй хоёр этгээд сургууль руу халдлаж найман хүн амиа алджээ.

Юүдэнтэй цамц өмсөж зэвсэг барьсан этгээдүүд сурагчид болон Рауль Бразил сургуулийн ажилтнууд руу гал нээж эхэлсэн байна.

Орон нутгийн хэвлэл мэдээллийн хэрэгслээр 10 гаруй хүн гэмтэж шархадсан гэж дамжуулжээ.

Амь үрэгдсэн хохирогчдын дунд таван сурагч, сургуулийн хоёр ажилтан байгаагийн зургаа нь хэргийн газарт амиа алдаж, хоёр нь эмнэлэгт хүргэгдсэн ч шархаа даалгүй нас баржээ.

 

 

Сузано суурингийн цагдаагийн газраас гэмт этгээдүүд халдлага үйлдсэнийхээ дараа нэг нэгийгээ корридорт буудаж хороосон байна.

Халдлага сургуулийн үдийн цайны завсарлагааны үеэр болжээ.

Гэмт этгээдүүд сургуулийн хашаанд гал нээж, хэл шинжлэлийн төв рүү орсон байна.

Сан Пауло мужийн захирагч халдлагын дараа гурав хоног гашуудал зарлажээ.  

Эцэг эхчүүд сургууль дээр ирж бодит байдалтай танилцан эмгэнэл илэрхийлж, цагдаа нар дахин халдлага гарахаас сэргийлж мөрдлөг шалгалт хийж байна.

 

 

 

 

Эх сурвалж: www.cnn.com

---