Эрдэнэт үйлдвэрийн 49 хувийг “Монголын зэс” корпорацид худалдсан санхүүгийн эх үүсвэрийн схемийг ЗГХЭГ-ын дарга Д.Оюун-Эрдэнэ өнөөдөр дэлгэсэн билээ. Уг схемээр бол Эрдэнэтийн 49 хувийг төрийн мөнгөөр худалдан авсан гэх бөгөөд Сангийн яам, Худалдаа хөгжлийн банк, Монгол банк зэрэг байгууллагууд оройлон оролцсон талаар нууц тэмдэглэлд дурдагджээ. Ингэхдээ Эрдэнэтийн 49 хувийг худалдаж авсан “Монголын зэс” корпораци болон  Худалдаа хөгжлийн банк хоорондоо холбоотой гэдгийг батлах маш олон баримт байгааг дэлгэсэн юм.

Харин энэ асуудалтай зэрэгцээд Худалдаа хөгжлийн банкны захирал О.Орхон ажлаа өгөхөөр болсон тухай мэдээ гарч эхэллээ.

Баталгаатай бус ч Эрдэнэтийн асуудал халуун сэдэв болж буй энэ үед түүний шийдвэр үнэн эсэх нь тун удахгүй тодрох биз ээ.

---