ЗГХЭГ-ын дарга Л.Оюун-Эрдэнэ Эрдэнэт үйлдвэрийн 49 хувийг хууль бус замаар худалдаж авсан гэх асуудлыг дэлгэн тавьсны дараа "Монголын зэс корпораци"-ийн талаас мэдээлэл хийж сайд Л.Оюун-Эрдэнийг шүүхэд өгч байгаагаа мэдэгдсэн билээ. Энэ асуудлаар ЗГХЭГ-ын дарга Л.Оюун-Эрдэнээс тодрууллаа. 

-"Монголын зэс корпораци"-ийн зүгээс таныг шүүхэд өгнө гэсэн. Танд мэдээлэл байна уу?

-Иргэн Ц.Пүрэвтүвшин /Монголын зэс корпорацийн гүйцэтгэх захирал/ өөрийг нь гүтгэсэн гэдэг үндэслэлээр намайг шүүхэд өгсөн байна лээ. Би УИХ-ын гишүүнээр сонгогдсоноос хойш ямар ч хуурамч мэдээлэл өгч байгаагүй. ЗГХЭГ-ын дарга гэдэг албан тушаал бол маш хариуцлагатай алба. Би баримт дээр үндэслэж ярьж байна. Нийт материалын 1/5-ыг л би дэлгэсэн, бусад мэдээллийг шүүхийн өмнө дэлгэх боломжтой.

Хэн нэгний гар хөл болж байж ахын дүү хохиров, улс төрийн золиос болов. Ахын дүү болгоомжтой байгаарай. О.Орхон, М.Мөнхбаатар гэх мэт залуусыг би өрөвдөж байна. Жинхэнэ эзэд нь яагаад гарын үсэг зурахгүй байна. Мөнгө угаалтын систем рүү 20 хэдхэн настай залуусыг түлхэж байна шдээ. Тэдгээр залуус мөнгө угаалтын хэргээр шоронд орж магадгүй ш дээ. Хүний гар хөл, бусдын гар хөл болж байна шүү дээ. Өөрөө л хохирох вий дээ гэж би Ц.Пүрэвтүшин дүүдээ захихыг хүсэж байна. 

---