Нийслэлийн Цагдаагийн газар, ШӨХТГ, Монголын таксийн үйлчилгээ эрхлэгчдийн холбоотой хамтран хууль бусаар дуудлагын таксийн үйлчилгээ эрхэлж буй иргэд, аж ахуйн нэгж, байгууллагуудад хяналт шалгалт хийж эхэлсэн. Үүнтэй холбогдуулан нэг аж ахуй нэгжийг нэг сая төгрөг 6 иргэнд 100 мянган төгрөгөөр торгосон билээ.

Уг хяналт шалгалтын ажлыг хувиараа такси үйлчилгээнд явдаг жолооч нар эсэргүүцэж буйгаа олон нийтийн хэрэгслээр илэрхийлсэн юм. Иймд Зам тээврийн, хөгжлийн яамнаас Нийслэлийн тээврийн газарт хувиараа таксинд явж буй иргэнийг 100 мянган төгрөгөөр торгох ажлыг зогсоохыг даалгасан байна. Иргэдийн халаас руу гар дүрсэн байдлаар торгууль давамгай хэрэгжүүлэх нь буруу гэж Засгийн газрын тэргүүн үзэж, чиглэл өгсөн тул хувиараа таксинд явж буй иргэдийг торгохгүй гэнэ.

 

---