Сар шинийн баярын дараа сүсэгтэн олон жилийнхээ засал, номыг уншуулдаг уламжлалтай. Монголчууд хаврын эхэн сарын шинийн 15-ны дотор багтаж заслаа хийх нь сайн гэж үздэг. Монголын Бурханы Шашинтны Төв Гандантэгчинлэн хийд шинийн 3-наас эхлэн засал, номын хурал айлтгалуудаа хурна. Тавгийн идээтэй, сэржимтэй, даллагатай номуудаа Зуугийн дуганд хурах юм. Бусад номуудыг Чогжин, Очирдарийн дугана, Төв гандан, Дашчойнпэл зэрэг бусад дугануудад унших ажээ. Алтанганжуур уншуулвал 20000 төгрөг, бусад номын тариф 500-10000 төгрөгийн үнэтэй байгаа юм.

 Гандантэгчинлэн хийдийн засал, номын үнэлгээг хүргэж байна.

---