АУЗ Б.Лхагвасүрэнгийн 2019 оны нэгдүгээр сарын 22-нд нийтлэгдсэн сүүлчийн ярилцлага-захиасууд

ӨДӨР ТУТАМ

ONLINE TV

Шинэ мэдээ

МУ CONTENT

НИЙТЛЭЛЧДИЙН БУЛАН

Соёл урлаг

АУЗ Б.Лхагвасүрэнгийн 2019 оны нэгдүгээр сарын 22-нд нийтлэгдсэн сүүлчийн ярилцлага-захиасууд

АУЗ Б.Лхагвасүрэнгийн 2019 оны нэгдүгээр сарын 22-нд нийтлэгдсэн сүүлчийн ярилцлага-захиасууд

 

Ардын уран зохиолч Бавуугийн Лхагвасүрэн: Монгол гэдэг чинь дэлхийн ухааны сав, монголчууд тэнгэрийн хамгаалалттай ард түмэн

 

Монгол Улсын хөдөлмөрийн баатар, төрийн шагналт, ардын уран зохиолч, “Болор цом” наадмын гурван удаагийн тэргүүн, драмын урлагийн “Гэгээн муза” наадмын хоёр удаагийн, утга зохиолын “Алтан-Өд” наадмын хошой шагналт зохиолч, яруу найрагч, Америкийн Аризон мужийн Дэлхийн их сургуулийн соёлын доктор, С.Лувсанвандангийн нэрэмжит гоо зүйн дээд шагналт Бавуугийн Лхагвасүрэнтэй хөөрөлдлөө.

. Түүний мах мариагаа барсныг харахад нүд хальтирч, нулимс унагам гунигтай. Нөгөө их үс гэзэг нь нь шингэрч, сахал нь сөрвийж, шанааны яс нь горзойсон нь түүнийг мэдэх нэгэнд “Ийм ч хүн байгаагүй юм даа” гэх харуусал төрүүлмээр. Хавирганууд нь тоолж болом эрийж нэг л их том цээж, том толгой үлджээ. 

Их найрагч эдүгээ үзгээ ч, утсаа ч даахаа больж дэмий л адар ширтэн хэвтэх болсноо уйтайхан хүүрнэнэ. Ерэн дөрвөн килограмм жинтэй байсан тэрээр одоо дөчин есөн кг болтлоо хөнгөрчээ. “Боржгоны бор тал”-аа хүнгэнүүлэн уншдаг аргил баргил хоолой нь сөөж, цээжний гүнээс бүгтхэн авиа л оволзсон амьсгааг нь давж ядан сонстоно. Хэдий тэрээр хэвтэрт хүний гарт орсон ч чонын зурагтай оймс өмссөн хөлөө харуулж “Ах нь оймсоор гангарах дуртай. Америкаас захиалж авчруулсан юм. Надад ерөнхийлөгч Трампын зурагтай оймс хүртэл бий” гэж гэргий Баасангаа дуудан шүүгээнээсээ гаргаж үзүүлэх нь гоё сайханд сэтгэл тавьдаг яруу найрагч гэнэн араншингийнх нь илрэл гэлтэй. Одоогоос хэд хоногийн өмнө эргэж очиход ярих ч тэнхээгүй байсан тэрээр хоёр хоногийн өмнө “

 

-Лхагваа ах минь бие лагшин тунгалаг уу?

-. Ах нь орчлонгийн сайн, муу бүхнийг л үзэж тууллаа. Одоо их зовохгүйхэн шиг л үхэхээс сайхан юм алга.

-Таныг би Монгол төрийн дархлааг тархиа гашилтал боддог төрийн хар хүн гэж боддог. Нөгөөтэйгүүр ертөнцийн жамыг нэтэд ухаарч гэгээрсэн бодлын тунгалаг далай гэж төсөөлдөг юм...

-Цэнгэл ээ, энэ дээр чинь, бидний дээр, бидний сэтгэлийн дээр, бидний хүндэтгэлийн дээр, бидний хайрын дээр байгаа төрийн дээдэс нь яагаад байгаа юм бэ. . Энэ яаж байгаа юм бол. Энэ юуны шалтгаар ингээд байна. Хэвтэрт байгаа хүний хувьд чамаас би асууж байна.

-Төр ч бас хямралтай л байх шиг юм байна шүү дээ. УИХ-ын даргаа огцруулчихна гэхээр “Үндсэн хууль” зөрчих ч юм шиг л зүйл сонстох юм?

-Тэр хууль чинь том хууль шүү дээ. Ганцхан би ч батлалцсан юм биш. . “Хөдөлмөрийн хууль” хүчинтэй байгаа юу?

-Хүчинтэй байгаа... 

-Аан. Би бодож байна. “Хөдөлмөрийн хууль” хүчинтэй байгаа цагт ажлаа хаяад өрөөндөө түгжээд суучихдаг, гараад хаячихаад явдаг хүнийг шийтгэж болдоггүй юм уу?

-За, наадахь чинь ёстой дүүгийнх нь эрх мэдэл байтугай бодол ч хүрэхгүй зүйл байна даа?

-Яахаараа шийтгэж болдоггүй билээ. Би үүнд маш их дургүй хүрч байна. . Улсын их хурлын дарга яагаад “Хөдөлмөрийн хууль”-нд захирагдаж болдоггүй юм. Маш их чухал цаг үед уршигтайгаар ажлаа хаялаа шүү дээ. . Мань мэт хэрвээ М.Энхболд шиг ингэж ажлаа тасалсан бол хэдийнэ ажилгүй болоод сэргийлэх юм уу, шоронд хагас нь яваад, мань мэтийн оронд дээдсүүдийн хамаатны хүн ирээд ажлаа авчихсан явж байгаа. . Энэ Их хурлын ажлаа хийдэг цаглабаруудыг хар. Утаа туйлдаа хүрэхээр арванхоёрдугаар сард утаагаа хэлэлцдэг. Өмхий үнэр туйлдаа хүрэхээр зун лагийнхаа талаар ярьдаг.

-Загас толгойноосоо эхэлж өтдөг гэдэг шиг төр ч бас толгойноосоо өтдөг байх шүү?

-Нэг хүн ажлаа хаясныг шийдчих хууль Монголд байхгүй юу. Байгаа шүү дээ. Би нэг монгол үгэнд их дургүй хүрч байгаа. 

-Ямар үгэнд таагүй хандах болов?

-Олон намаас бүрдэл болдог парламентын засаглалтай оронд олонх, цөөнх гэдэг бол хонины ээлж шиг зүйл байгаа юм. Ээлжилж төр барьдаг. Гэтэл яахаараа нэгийг нь сөрөг хүчин гэж нэрлэдэг юм. Сөрөг гэдэг энэ нэр томъёог ямар тэнэг амьтан гаргав аа. Яагаад би ингэж хэлж байгаа юм гэвэл нэг нь ярвайдаг, нөгөө нь ярзганадаг байж болдоггүй. Сөрөг хүчин гэж үхснийх нь сөрөг хүчин байх юм. . Мохсоноо ирлэж, буруудсанаа зөвтгөж байж нэг зорилгын доор нэгддэг. . Цөөнх олонхиос илүү сэтгэх, олонх цөөнхөөс илүү сэтгэх тал байдаг. Гэхдээ олонхийн дарангуйлал парламентад байж болдоггүй. Сонгуульд цөөнх, олонх сонгогдсны дараагаар даруй Монгол Улсын мөрийн хөтөлбөрийг боловсруулахдаа аль аль талынхаа мөрийн хөтөлбөрийг маш хянамгайгаар харж, маш сонор соргогоор тусгаж, нийлсэн нэгдсэн мөрийн хөтөлбөр рүүгээ зүтгэх ёстой байхгүй юу. Тэгж байж хоёр намын зорилго биелэх ёстой. Би зөвхөн хоёр намын хэмжээнд ярьж байна л даа. Хэдэн нам ч гарсан ийм л байх учиртай. . Хоёулаа ном мөн. Хоёулаа чиглэл мөн, хоёулаа бодлого мөн. 

-Хоёр тусдаа нам битгий хэл нам дотроо эрх мэдлийн төлөө алалцаад л байх улс юм байна шүү дээ?

-Урьд нь алдаж оноод, ажлаа өгсөн хүмүүс өнөөдрийн буруудаж зөвдөж байгаа хүмүүсийн алдаан дээр ямар их сайхан хурц нүдтэй болж, ямар сайхан хурц үгтэй болж шүүмжилж чадаж байна аа. . Монголчуудын “Хэрээ хэрээнийхээ нүдийг ухдаггүй” гэсэн маш хатуу үг бий. Алсан гөрөөснийхөө дээр гишгэчихээд арслангууд архирч байгаа юм шиг араншинг хүн гаргадаггүй юм. Бид нар энэнээс сайн байсан, бидний алдаа жижиг байсан, бидний алдаа зөв байсан гэх гээд байгаа юм уу. Яах гээд байгаа юм. . Хоёулаа адилхан гутдаг. . Бахаа ханатал ялах тийм ойлголт орчлонд байхгүй. Бүгд хохирол бөгөөд сургамж л болж л дуусдаг. Тэгэхээр эд нар ингэтлээ их тэрсэлдэж байдгаа болиосой. Хүний мууг ярихаар сайн хүн болно гэж яаж бодож чадаж байна аа. Хүн хүнээс урт сүүдэртэй байж хүний богинохон сүүдрийг харсан байж болно. Ийм тохиолдол зөндөө. Энэ зангаа л байчихаасай. Эд нар чинь уг нь хүн юм шүү дээ. Ариун юм үлдэхээ байлаа. Бие биеэ ухалцаад байвал гэргий нь, хамаатан нь, үр хүүхэд нь гээд бузар булайд оролцоогүй нэг ч амьтан алга. . Монголд харь гарагаас ирсэн юм шиг намууд бий болж, нэг их сэтгэдэггүй юм сэтгэдэг юм шиг олон өнцгийн болсон болоогүй юм цуглуулж ярьдаг хүмүүс олширч намууд байгуулж эхэлсэн.

-Ард түмнийг хагалган бутаргасан нөхдөд яахаараа баяр хүргэдэг билээ?

-. Та нарын намуудын мөрийн хөтөлбөр их амжилттай биеллээ. Одоо бүр газар бууж, газрын татах хүчинд орж хоёр хүн ч биентэйгээ таарахаа байлаа. Та нар эх орондоо ингэж дайсагнадаггүй юм. Та нарын хагалгаж бутаргаж байгаа зүй бус үзэгдэл хэтэрсэн гэж хэлэхэд багадна. Нэг биеийг ч хоёр хуваах шахаж байгаа чинь одоо болсон. 

-Дээдсийн ёс жудаг ч өдрөөс өдөрт л муудсаар байх юм даа, хөөрхий...

-. Монголчууд нэг сандал дээрээс хүнийг хөөх нь битгий хэл хүнийг гар гэж хэлдэггүй юм шүү дээ. Энэ монгол жудаг. Магадгүй, Их хурлын даргын асуудлыг шийдэж чадахгүй байгаа чинь тэр монгол жудаг үйлчилж байж болох үндэстэй. Энэний дундуур юм. С.Жавхлан улаан малгайтай орос чихрийн цаас шиг юм суучихаад ингэж хэлэх, эсвэл ташуур барьж давхих нэг л зохимжгүй байна. Нэг их Монголоо боддог хүн болж жүжиглэнэ. Монгол цусыг ингэж сүржигнэж, ярьж хамгаалдаггүй юм. . Үл ойлгогч, юм бага уншсан улсууд “Еэ мөн сайхан юм хэлж байна” гэж хөөрөгдөөд байх юм. Үгүй энэ чинь ингэж амны алдас хийж яаж болох юм бэ. Хөдөө жаахан байхад нэг залуухан хүн хоёр хөгшинд ирж агсам тавиад, элдэв долоон юм донгосоод байлаа. Өвгөн дуугарахгүй л байлаа. Хөдөөний буурлууд чинь ухаантай шүү дээ. Уул шиг юм сууж сууж “Борог нүдэлж, бор шувуу жиргээгүй байхад битгий хуц” гэнгүүт нөгөө агсам чинь дуугарч чадахаа байгаад гараад явсан.

. Юухан хээхэн болгонд улс төрийг хэрэглэж, юм болгон дээр “Монгол, Монгол” гэж хашгирснаар Монгол бөхөждөггүй юм. Хорвоод дэмий дэмий буруу ойлгодог хүн зөндөө бий. Тэгээд нэг нь “Монголын төлөө үгүй мөн сайхан сэтгэлээ зориулж байгаа хүн” гээд хөөргөнө. . Эх орныг бүхий л бие, сэтгэл, мах цусаа өгч, хэдэн үеийнхэн өчнөөн амьдралаа өгч хамгаалдаг юм. Энэ бидний доор гишгээд байгаа алт эрдэнэс чинь өвгөд дээдэс минь арьсаа хуулж бүтээж үлдээсэн, цусаа асгаж гагнасан, бидэнд тавьсан хоол. Хойч үедээ үүцэлсэн юм. Тэгэхэд солиорцгоогоод байх юм. Болиоч дээ. Даанч дээ, та нар. Би бол юм мэдэхгүй ухаан мунхаг хүн. . Хүн уншсан юмаа ярьж байна гээд миний уншсан юмыг худлаа яриад байхад би дургүй хүрдэг. . Тиймээс гэгээрээч ээ гэж энэ парламентынханд хэлье. Парламентат засаг Монгол Улсад тогтсоноос хойшхи адгийн оюуны хоосролтой парламент энэ байлаа. Би чамаас нэг юм асууя. Тангараг гэж юу юм бэ?

-Хэлсэндээ эзэн болох юм бол уу даа?

-Наадах чинь тийм нялх юм биш. Монголын иргэн байх уу, үгүй юу гэдгээ өргөдөг тангараг. Тугаа духандаа хүргэж байгаад баахан юм тангарагладаг. “Төрдөө өргөсөн тангаргаа няцвал би тэгнэ, ингэнэ” гэсэн бараг намайг алаарай гэсэн үг байдаг. Гэтэл өнөөдөр УИХ-ын дарга болоод Их хурлын зарим гишүүд төрд өргөсөн тангарагаасаа няцлаа.

-Мохируулдаг л байсан байх даа?

-Үгүй тэр ёс тэгээд хаа байна. . Тангаргийн тухай нэг ч ярихгүй. Төрийн тангаргаас няцаад байна шүү дээ. Төрөөс урваад байна шүү дээ. (Найрагч судас нь гүрийж яс арьс болсон хоёр гараа тэнгэр өөд сарвалзуулан дуугаа жаахан өндөрсгөв. сур) 

. Тангараг няцсан хүнд арга хэмжээ авах зүйл анги алга уу. Өөрийнх нь өргөсөн тангараг дотор зүйл анги нь байгаа шүү дээ. . Монгол бол дэлхийн ухааны их том сав. Энэ сав ариун байх ёстой. Би Монголын ард түмний өмнө хойд насандаа төлж барахгүй өртэй. Үүнийгээ би мэднэ.

 

Ярилцсан сэтгүүлч, яруу найрагч Л.Батцэнгэл 

"Өдрийн сонин"-ы 2019 оны нэгдүгээр сарын 22-ны мягмар гарагийн дугаар 

 

Санал болгох

33 Сэтгэгдэл

  1. Зочин

    Oirhon yvsan hol yvsan toriin nohdvvddee hvrtel helj bn daa.Um sain amgalan boltugai buuralah mini

  2. qwe

    um sain amgalan boltugai

  3. Төрөө

    Яасан их юм асууж хүн зовоогоов дэ

  4. Наран

    Ум сайн амгалан болтугай

  5. Зочин

    Сэтгүүлч, яруу найрагч Л.Батцэнгэл сэтгүүл зүйн этика гэж байдаг байх гэж би хар ухаанаар бодох юм. Өвдөж байгаа хүн ямар болсоныг заавал дурьдах ёстой юм уу?!? Өөрий чинь бичсэн ярилцлагын чинь талийгаач уншиж гадаад төрхий бичсэнд лав таалайгүй дээ Хөөрхийдөө шаналж байхад нь ингэж бичих гэж дээ. Уур хүрч байна.

    1. Зочин

      Харин ч зүгээр юм бишүү. Тэртээ тэргүй ард тшмний хүү шүү дээ. Юуг нь нуухав сн мууг

  6. Гэрэл

    Их өвгөдийн үг сургаалыг уншаасай. Төрийн минь алтан сэнтийд суусан мунхагуудын өмнөөс ямар их шаналаав дээ хөөрхий минь...

  7. Mgl

    Настай хүнд өвчтэй хүнийг дүрсэлж бичсэн нь ТААЛАГДАХГҮЙ байна

    1. Зочин

      Зөв шүү . Жаахан онцгүй санагдаж байна шүү.

  8. Bi

    Боржигоны бор талдаа Буцаад төрөөрэй та минь. Энэ ярилцлагыг төр түшилцэж байга хүмүүс уншаасай, тэгээд ойлгоосой л гэж хүсье эээ таниараа дутнааа

    1. Bb

      Yahiin bee ahij mongold turj zovj

  9. Зориг

    Харамсалтай.., хайрлахгүй байхын аргагүй их найрагчийн маань бие хэрхэн доройтон ядарсан байдлаар нь харамсан бичсэн байна! Урьд орой нь талийгаач телевизээр буриадын барималч залуугийн тухай ярьж байгааг түмэн олон харсан шүү дээ! Ямар их турсан, өвчин нь тамирдуулаа вэ, гэдгийг харуулсан нэвтрүүлэг нь гарсан. Би л лав маш их өрөвдсөн! Сайхан ярилцлага авсан бна. Баярлалаа, сэтгүүлч Батцэнгэлдээ!

  10. Ц.Цэнд

    Энд бичигдсэн үг бүхэн амьсгал мэт чухал.БАЯРЛАЛАА.саруул ухаан дэлгэрэх болтугай

  11. Зочин

    Bie muu bga hewtej owchindo shanalj bga hvniig ih muuhai bichij. nvdend haragdchihla.tegeed yaasan olon asuult asuuj zowoogoo we.hoorhii.tengeriin orond ijii aawtaiga zolgood taiwan amgalan bga bhda.um sain amgalan boltugai

  12. Зочин

    Эцсийн амьсгалаа хүртэл төрдөө зовжээ. Та минь газар шороо эх орноо өнгө мөнгөнөөс худалдсан муу хүмүүсийг хамт авч яваад төрөө цэвэрлэхэд туслаарай. Заримдаа бүүр эх орон газар шороогоо худалдсан хулгайч худалчуудыг цөмийг цааш нь харуулчаад үхсэн ч яахав гэж бодогдтол гол харлах юм. Ум сайн амгалан болтугай. Хойд төрөлдөө Монголдоо дахин төрж эх орноо бузар булайнуудаас аврах баатар болон ирээрэй.

  13. Ванчинэрдэнэ

    Энэ сэтгүүлч хүн мөнүү эцсэн турсаныг нь гайхлаа ч гэх шиг өвчин бол хэцүү шүү дээ хавирга тоолж болмоор ч гэх шиг ямяа оюуны доройтолтой хүн сонинд ажилладаг бнаа.

  14. Ванчинэрдэнэ

    Энэ сэтгүүлч хүн мөнүү эцсэн турсаныг нь гайхлаа ч гэх шиг өвчин бол хэцүү шүү дээ хавирга тоолж болмоор ч гэх шиг ямяа оюуны доройтолтой хүн сонинд ажилладаг бнаа.

  15. Лантуу

    Яагаад оюу толгойг гадныханд өгөхийг дэмждэг байсан юм бол энэ хүн асуучихгүй яав. Эх оронч хүн мөнүү тэгээд .

  16. Нараа

    Төрд тангараг өргөсөн хүн бүхэн нэгийг бодмоор үгийг хэлжээ хөөрхий минь эцсийн үг нь эх орноо гэсэн сэтгэл нь дотроосоо өвтгөж байжээ та минь эргэж бидэндээ төрөх цагт төр минь түвшин түмэн олон минь амгалан болсон байх болтугай та минь амар амгалан нойрс доо

  17. Зочин

    Аугаа найрагчийнхаа сүүлчийн ярилцлагыг уншиж сэтгэл өвдөж өр эмтэрлээ. Хорт хавдар гэдэг аюулт өвчин ихсэж бараг гэр бүл бүрд нэг нь энэ өвчнөөр өвдөж харангын дохио өгдөг болсон өнөө үeд хүний ухаан санаанаас бусдыг нь амьдаар нь сөнөөж зовлонгийн дээдээр зовоож дуусгадагыг мэдэхгүй хүн бараг байхгүй болсон шүү дээ Батцэнгэл сэтгүүлч минь. Ядахнаа хүний гаднах байдлыг арай өөр үгээр товч илэрхийлчих үгийн холбоос авьяас чамд алга даа. Өвчилсөн хүнээсээ илүүтэйгээр үлдэж шаналсан, хань үр хүүхэд нь уншвал эвгүй биш үү. Бүх хүн л энэ байдлыг мэдэж ойлгож байгаа шүү дээ. Монголд дахин давтагдашгүй энэ суут хүн улс төрөөс гадна амьдралын ухааны гайхалтай ярилцлага, хийдэг соён гэгээрүүлэгч шүү дээ. Бичсэн шүлгүүдийнх нь ухаалаг мөрүүд үр хойчийг минь ч хэдэн үeэр нь хүмүүжүүлсээр байх болно.Ум сайн амгалан болтугай.

  18. zochin

    setgel ih l ubdluu eh orondoo ergen turuurei ta min

  19. Цогт

    Монголын бурхан хүмүүсийн тоо нэгээр хорогдсон ч өч төчнөөн бурхан хүмүүс бий гэдэгт би итгэдэгЭнэ бурхан хүндээ хөшөөг нь босгох хэрэгтэй санагдаж бн мунхаг тэнэгүүд айж,ухамсарт хүмүүн мөргөж үгийг нь сануулж байхыг хүснэ.Ум амгалан болтугай . Жич:3р хороолол Эх нялхсын өмнөх уулзвар дээр байх хөшөөг надаас гадаадын зочин энэ танай ямар учиртай хүн бэ? Гэхэд надад ямар хүн бэ гэхээс хэн гэж хэлэхээ мэдэхгүй аан зохиолчоо гэсэн дээ....Соц.үеийн хотын дарга байсан хүн гэдгийг миний үеийнх мэдэх бх.Харин Б.Лхагвасүрэн гуйаг аль ч үе мэднэ мэдэх ч болно.

  20. Ганболд

    Ёстой л эмээлтэйгээ дүрэлзэж төрсөн гал, Монголоо эзэнтэйг мэдрүүлсэн ХҮН эрдэнэ, шүлэг яруу найргийн уран дархан, оюуны СУВРАГА УРЛААЧ, өнжүүлийн "өөрийгөө элээн бусдыг хурцлах" зөөлөн билүү дээ, УМ САЙН АМГАЛАН БОЛТУГАЙ :-(

  21. Зочин

    Durslehiin buruu yu bn? Havdar huniig iim l bolgodog. Heniig ch yalgahgui avaad yavna. Nairagch uuruu gadaadiig songoj hagalgaa hiilgehdee hodoodiig ni uldeej tairsan. Tuun deer ni himi hiigeegui yu esvel uuruu hiilgeegui yamarch bsan himi hiilgeegui gedeg. Esvel hagalgaand ch nemergui bgaad tallaj avaad yadraahgui gj himi hiigeegui ch bj boloh taltai.

  22. Зочин

    Эр хүн эцсээ хүртэл том сэтгэдэг юм байна. Хэдэн жилийн өмнө аав минь хорт хавдар гэдэг айхтар өвчинтэй эцсийн хүчээ шавхан тэмцэлдэж байхдаа гадаад төрх нь энд дүрслэсэн шиг болж дотоод оюун бодол нь ямар их саруул ухаантай хэвээр байж билээ. Өвгөд насан эцэслэхдээ хүртэл хүчтэй байх юмдаа

  23. zochin

    Xelex ug, uildel bureeree uxaaral xairladag Ubgun buural nairagchtai mini mash saixan yariltslaga xiisend talarxaj bainaa.Xumuus yu ch gej xelsen ch ene bux yariag budend xurgesend bas bayarlalaa.Yum xiigeegui xun shuumjlelgui baidag bol xiisen uchraas yanz buriin ug sonsoj suugaa Battsengeldee talarxaya. gun emgenel ilerxiilie ee.Um sain amgalan boltugai....

  24. ард түмэн

    аргагүй л тэмцэгч гал ус хоёр шиг хүн блаа үнэхээр төрийн түшээд уншиж ухаарах цаг болсон улс орноо ийм бдалд оружосан парламент бол энэ үеийн парламеньют тэнэгүүдийн цуглаан гэж хэлж болно.Жишээ нь Наранхүү ,М.Билэгт Хаянхярваа оюундарь С. жавхлан гэх мэт хорвоогийн хамгийн тэнэг хүмүүсийн цуглаан тарвал таарна

  25. гэрээслэл буюу захидлыг нь бас үзэх хтэй

    Захидал бичсэн нь өнгөрсөн оны сүүлээр нэтээр яваад байсан... Захидлыг тэр цэвэр өөрөө бодож, үг, өгүүлбэр бүрийг эвлүүлсэн байгаа бх

  26. СҮҮЛЧИЙН ЗАХИДАЛ НЬ ХААНА БАЙНА ВЭ

    захидлыг нь төр, засаг анхаарч үзэх

  27. Зочин

    Ямар ч бичгийн соёлгүй эргүү дагзнууд сэтгүүлчийн дүрслэлийг шүүмжлэх нь хоржоонтой. Харин ч найрагчийн сүүлчийн дүр төрх, туулж буй өвчин зовиурыг бидэнд хүргэсэн нь сайн болжээ. Ер нь бол төрийн төлөөх түүний шүүмж та нар шиг дуракуудад ч бас хаяглаатай юм шүү дээ

  28. Зочин

    Ovchnoor shanalsan nastai huntei yariltslaga ene ter gej zovoohiin hereg yu baina. Hadam etsgee asarch toilj ongoruulsen hunii turshlagaasaa helehed ted nart uls tor bish saihan setgel haluun dulaan hair l suuliin odruuded heregtei baidag. Aviyas bileg erdem chadal oyun uhaan hurtel hemjeetei neg todorhoi mochlog dotor ireed tsag ni bolohoor eznee orhidog.

  29. Zochin

    Aguu hun aguu l bdag. Egel hunees yalgaatai n zaaval ene hun ingej l bichne gdgiig medeed ogson ch ymuu. Magad ene bdgliig n durslej bidend negiig boduulah ch gsn ym biluu... ih hiisen n ih shuuljluuldeg. Uneheer saihan bolson bn. Bayarlalaa. Ajliin amjilt husey. Nairagch ah min um sain amgalan boltugai

  30. irgen

    aguu yaruu nairagch saihan Mongol orondoo ergej turuh boltugai!

Сэтгэгдэл үлдээх