СПОРТ
ХӨГЖИМ
™ watch
LIVE TALK | 2019-02-01

Д.Ухаанзаяа: Модон хохимой, тэрсүүд өдөр хүүхдэдээ нэр өгч болохгүй

Нийтэлсэн
5 жилийн өмнө


Сурталчилгаа
Нийтэлсэн:   Г.Батцэцэг
5 жилийн өмнө

 

Бясалгалд явах нь хэн хүний оролдох тоглоом биш

 

 

 Сэтгэлийн гансралд орох нь далд ертөнцийн амьтдын нөлөөнд автсаны нэг шинж

 

-Таны бодлоор далд ертөнц гэдэг юу вэ?

-. Хүн гэдэг өөрсдийн усан мэлмийд харагдаж байгаа зүйлдээ л итгэдэг. . Ямар нэгэн далдын хүчин зүйл байна хэмээн дотроо эмээдэг талтай. Яг нарийн цэгцтэй ойлголт хүмүүст  байдаггүй. Тэгэхээр энэ сав, шимийн ертөнцөд живж оршдог, тархмал оршдог амьтад гэж бий. Сав ертөнц нь бидний амьдарч буй уул ус, ургамал ногоо, дэлхий юм. Харин шим ертөнц нь энэ байгалийг шүтэж амьдарч буй амьтад, хүмүүс юм. Аль эсвэл хийморь сүлд нь их доройтсон, хүнд өвчтэй хүмүүст харагддаг талтай. Азарган тахиа шиг амьтан нуруун дээрээс хазлаа, бие дотуур хорхой гүйх шиг санагдлаа гэдэг ч юм уу. Хийморь тэгш яваа эгэл хүнд ад донгийн амьтад харагдахгүй. Энэ амьтадтай хэрхэн зөв зохицож явахаас бидний амьдрал бас хамаардаг.

Янз бүрийн бясалгалын төвүүд сүүлийн үед их гарч ирсэн. Үүнд хүмүүс их болгоомжтой хандах нь зүйтэй. Энэ нь бясалгалд суугаад мэдлэг, мэдээлэлгүйн улмаас голын хийгээ хөдөлгөдөг. Иймэрхүү байдлаар олон хүн шар хаданд очсоныг өнөөдөр нууцалж байна. Бясалгалд явах нь хэн хүний оролдох тоглоом биш.

-Архи уусан хүн яагаад амархан хорлогддог юм бол?

-Шөнө орой дэмий тэнүүчлэх, архидан согтуурах, дуулж хуурдах, садар самуун үйлд хэтэрхий хөл алдах нь хүний дархлааг алдагдуулдаг. Иймэрхүү шалтгаанаар над дээр олон залуус тусламж гуйж ирдэг. “Ангийнхантайгаа шоудаж яваад нэг мэдсэн тасарчихсан байсан. Тэгээд сэрсэн чинь бие сул. Унтахаар зүүдэнд янз бүрийн зүйл үзэгдээд, орой үдэш гадуур явахаар хэн нэгэн араас нэрээр дуудаад байх шиг санагдах боллоо” гэдэг. Энэ сав, шимийн ертөнцөд бид өөрсдөө  биеэ хичээж, болгоомжтой амьдрах ёстой. . Дулаан орохоор машин тэрэг, бохир зүйлсээ хамаагүй гол усанд угаагаад байвал ам хамраар нь яр шавахаас эхлээд аваарт орж гэмтэж, эндэж ч мэднэ. Үнэхээр ийм зүйл байдаг гэдэгт итгэхгүй байвал голын эхэнд очоод махны шүүс ч юм уу бузар хийгээд үз. Гэхдээ ийм зүйл туршиж үзэх тэнэг хүн арай байхгүй биз дээ.

 

Хүний сэрэмж хэтэрхий сэргэхээр янз бүрийн зүйл харж, сонсдог болчихдог

 

-Энэ бүхэн бид өвөг дээдсээсээ уламжилж ирсэн ёс заншил, уламжлал мартагдаж эхэлсний шинж байх?

- Үүнээс гадна хүмүүс өөрсдөө сэвтэж, бузартах үйл хийсээр. Тэр дундаа буудлаар хонож өнждөг хүмүүс дэвсгэрийн бузар хүрчихвэл хэзээ ч салдаггүй. Тиймээс болж өгвөл буудал, цэнгээний газраас холуур явж бай. . Мөн тас няс хийсэн чимээ сонсгож цочоовол бие нь өвдөж мэднэ.  Чихэнд нь гоё сайхан үг сонсгож, анхилуун арц хүжний үнэр үнэртүүлж байвал заяа буянд нь сайн, ухаантай хүүхэд болж өсч хүмүүждэг гэдэг. Хань ижлээ зодож нүддэг, хатуу сэтгэлтэй хүмүүс ихэнхдээ бүүвэйн дуу сонсч өсөөгүй хүмүүс байдаг юм  шүү дээ. Хулгай хийх, амьтны амь хөнөөх, буруу хурьцал үйлдэх чинь биеэр үйлдэх гурван нүгэлд орно. Арван хар нүглийг тэвчиж, арван цагаан буяныг дэлгэрүүлж явбал хүн сайхан амьдарна.

Хүний ярих нь багасаад бодох нь ихсээд ирвэл гайхамшигтай

 

 

 Хүн болж төрнө гэдэг ховор хувь заяа. Тэр дундаа эрхтэн бүтэн төрнө гэдэг бүр ч ховор

 

-Бидний амьдарч буй энэ эрин үе чухам ямар онцлогтой болох талаар та ярьж өгөөч?

- Галавыг дотор нь зулт, харанхуй гэж хоёр хуваадаг. . Бидний азаар гэх үү дээ энэ амьдарч буй үе бол зулт галав буюу ном эрдэм дэлгэрсэн, гэгээрсэн, буяныг дэлгэрүүлсэн, таньж мэдсэн, бурхны шашин, дээдийн ном, нууц тарнийн ном дэлгэрч чадсан хүн төрөлхтөн төгс гэгээрэлд хүрэх боломжтой үе юм. Энэ эрин төгсөөд Майдар бурхны эрин эхлэх юм. Майдар бурхан хэдий заларсан ч нууц тарнийн ном номлохгүй учир хүн төрөлхтөн сайн заяанд юүлэгдэх боломж хомс болох юм билээ. Тиймээс бид маш азтай, хувь заяатай хүмүүс.

Ингэж явсаар их буяны хүчээр энэ үетэйгээ золгосон байх нь. Тэр дундаа эрхтэн бүтэн төрнө гэдэг бүр ч ховор. Эхээс төрөхийн өрөөл татанхай, хараагүй сонсголгүй оюуны хомстолтой хүмүүс хэдэн зуун саяараа байдаг. Тэр дундаа Монгол бурхны шашин дэлгэрсэн оронд төрсөндөө бид азтай хүмүүс. Бурхны шашин дэлгэрээгүй оронд төрсөн бол бид магад харанхуй бүдүүлгээрээ л дуусна. Бурхны шашин дэлгэрсэн оронд төрчихөөд ном эрдэмд шамдахгүй байх нь үнэхээр харамсалтай, эмгэнэлтэй  хэрэг  болно.

Сүүлийн үед хүмүүс зөвхөн өөрийн үзсэн, харсан зүйлийнхээ хүрээнд  сэтгэдэг, ярьдаг  болсон нь харамсалтай. Гадаад ертөнц бус дотоод ертөнц рүүгээ илүүтэй анхаараасай.  “Долоо хэмжиж, нэг огтол” гэдэг шиг долоон удаа бодож байж нэг яривал сайн. Гэтэл өнөөдөр юу ч бодохгүйгээр ярьдаг хүмүүс олон болжээ. Залуус цахим ертөнцөөр хий дэмий доншуучилж байхаар үнэн мэдлэг дагуулсан ном их уншаасай, мэдлэг хуримтлуулаасай гэж захимаар байна.  Гадаад хэл сур, авьяасаа нээ. Буддын шашны сургаалд залууст хэрэгтэй олон давуу тал бий.  Өнөө маргаашаа аргацааж, машин, байр мөрөөдөөд байвал адгууснаас ялгаа юун. Жаахан тэнгэрлэг зүйлд хүсч, шуна.

 

Сууж сурна, бодож сурна, сонсож сурна гэдэг гайхамшиг

 

-“Ханийн тэнгэр, үрийн буян” лекц та уншиж байсан. Сүүлийн үед залуусын гэр бүл салалт нийгэм эмзэглүүлсэн  асуудал боллоо?

-Үүнийг би залуусын боловсрол нимгэн байгаатай шууд холбоотой гэж хэлнэ. Гэтэл бидний өвөг дээдэс эртнээс нааш

Ном сургаал, зурхай нь  хойч үеэ битгий алдаасай гэсэндээ бичиж үлдээдэг зүйл.

 Үүнээс бэрийн зурхайд залуу хосууд ханилан суухад чухам юун дээр анхаарах ёстой вэ гэдгийг бүгдийг нарийн хэлээд өгчихсөн байдаг. . Жилээс гадна махбодь, мэнгэний нийцлийг бас харна. Олон зууны тэртээгээс шүтэн дээдэлж ирсэн зурхай шүү дээ.

Эхнэр авахад харш жил гэж бий. Жишээ нь Мөн элдэв харш жил гэж бий. Хулгана жилтэй хүү үхэр жилтэй охинтой идэлцэх харш. Хүч тэнцэх харш гэхээр хоёулаа амбиц хөөгөөд хэн хэндээ буулт хийхгүй байсаар амьдралаа алдах нь байна шүү дээ.

       

Нууц эрхтний харш жилтэй хүмүүс гэрлэвэл үр хүүхэдтэй болдоггүй

 

 

Хүсэл шуналдаа хөтлөгдөж, сохроор хэн нэгэнтэй суучихаж болохгүй 

 

-Эмэгтэй хүнд гэрлэж болохгүй нас, эрэгтэй хүнд гэрлэж болохгүй он жил байдаг гэж та ярилаа. Энэ талаар тодорхой яриач?

Мөн байн байн хэрүүл, тэмцэл босч хадамдаа адлагдана. Жишээ нь Буруу насандаа гэрлэсэн тохиолдолд гэрийн боол аятай байж, хань нөхөртөө хайрлагдаж чадахгүй. Эдгээр зүйлийг мэдэхгүйн улмаас залуу хосууд үерхээд удалгүй салж байна. Энэ салалтаас охид хүүхнүүд бие давхар болж хохирч үлдэж байна шүү дээ.

Хадаг тавиагүй гэр бүл болчихсон хос маш их байна. Үүнийг нэр хүнд муутай, хойшдын амьдралд нь садаатай гэж үздэг. Ямар ч байсан Энэ нь залуу хосын цаашдын амьдралд ерөөл билигтэй.

Буруу үед аль эсвэл ёс бус хурьцал үйлдэх үед тогтсон үр хүүхэд өвчтэй төрдөг. Нууц эрхтний харш жилтэй хүмүүс хоорондоо суувал үр хүүхэд ерөөсөө гардаггүй.

 

Гэрлэж болохгүй насандаа хадамд гарвал төрсөн гэртээ буцах нигууртай

 

-Хүнийг гадаад төрхөөр нь нарийн шинждэг гэл үү?

-Тийм ээ. Хүнийг гадаад төрхөөр нь шинжиж болдог. Эрчүүдийг ч мөн адил амьтдын нэрээр ангилан ялгадаг. Алив бүх асуудлыг ухаанаар шийддэг, эхнэртээ үнэнч, хоолонд шуналгүй, биеийн овор хэмжээ тааруу гэх мэт. Залуус дотоод сэтгэлийн гоо сайхныг харалгүй зөвхөн хоёр биеийнхээ хөөрхөн сайханд нь дурлаад гэрлэчихдэг.

 

Хүний хувь тавилан нэрнээс нь их хамаардаг

 

 

 Сэтгэлийн хөөрлөөр нэр өгөх нь тухайн хүүхдийн хувь заяаг хорлож ч мэднэ

 

-Танаас олон хүн хүүхдийн нэр залдаг гэж сонссон. Хүүхдэд нэр өгөх ёсны талаар сонирхуулж яриач?

- Эцэг эх нь дур зоргоороо хүүхдэд нэр өгч болохгүй. Сэтгэлийн хөөрлөөр нэр өгөх нь тухайн хүүхдийн хувь заяаг хорлож ч мэднэ. Хүүхэд аав, ээждээ үр нь болж заяахдаа их буян заяаг харгалзан ирдэг. Хүүхдийн төөрөг үзэх бүхэл бүтэн том зурхай бий. Тэр Охор настай бие сул хүүхдэд түр зуур домын чанартай нэр өгч болдог. Цэрэн-Очир, Цэрэнбат ч гэх юм уу. Эд дэлгэрүүлэгч охин тэнгэр гэсэн үг.

Хорлоо, Ичинхорлоо, Норов гэсэн бурхдын эдлэл хэрэглэлүүдийн нэртэй хүмүүс байна.   Нэрнээс нь харахад муу явахааргүй бэлгэдэлтэй. . Чойном гэдэг нь ном нугууд, Чойжамц хамба багшийн нэр Номын далай.  , Очирбат ч мөн адил, Дагвадорж Үл ялан дийлдэх гэсэн утгатай гээд олон жишээ дурдаж болно. Монгол эрчүүдийн  нэрэнд Очир, Бат, Базартай байвал сайн. Энгийн ямар нэгэн асуудалгүй төрсөн хүүхдэд өгч болохгүй хэдэн нэрс бий. Модон хохимой, тэрсүүд өдөр хүүхдэдээ нэр өгч болохгүй. Хүүхдийн нэрэнд их ач холбогдол өгөх хэрэгтэй.

 

Хүүхдийн нэрийг будаанд хийгээд шигших бол бүдүүлэг ёс 

 

-Хүүхдийн нэр хоёр үетэй байвал сайн гэдэг нь ямар учиртай юм бол?

- Нэг үетэй бол нас, ажил үйлс ахар байна гэж үздэг. Гадаад паспорт дээр бичихэд амар, гадаадаар дуудахад гоё гээд . Бүхэл бүтэн хүний хувь тавилан яригдаж байхад тэр гадаад паспорт тийм чухал уу. Юм болгон хосоороо арга билгээрээ оршин тогтнодог. Арга билиг, нар сар, буян нүгэл. Охин хүүхдэд Очиртой нэр өгч болдог. Хүчирхэг байхын бэлгэдэл юм. Төгс төгөлдөр эмэгтэй байхын бэлгэдэл болгож Бадам нэр өгч бас болно.

Үүрээр төрсөн хүүхдээ Үүрийнцолмон гээд нэрлэчихдэг. Гэтэл энэ нь онцгүй нэр. . Нас доройтдог. Хүмүүс Мөнх, Жаргал гээд гоё утгаар нь бодоод өгчихдөг. Хоёр үзүүрт үг олон байдаг. Төгс гэдэг нь бас дуусах барагдах гэсэн утга агуулдаг. Манайд амьтан, уул, ус, ургамлын нэртэй хүмүүс их байдаг. Булган уулаа бодоод л өгдөг байх. Нэрнээс хүний хувь тавилан бас хамаарна. Хүний нэрийг ингэж сонгоно гэдэг үнэхээр эмгэнэлтэй.

 

 

Сурталчилгаа

Манай хуудсыг дагаарай!


© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.