Ц.Даваасамбуу

Өнгөрсөн долоо хоногийн мягмар гарагт АНУ-ын Тагнуулын ерөнхий газраас БНХАУын шинээр бүтээсэн цэргийн техник, төхөөрөмж болон цэргийн албан хаагчийн тооны талаарх хамгийн сүүлийн үеийн тайлан мэдээг бэлтгэн гаргажээ.

ТЭСРЭХ БӨМБӨГ 

Энэ сарын эхээр БНХАУ-ын төрийн мэдлийн мэдээллийн агентлаг “Global Times” тус улс хүчин чадлаараа атомын бөмбөгийн дараа орохуйц хүчтэй тэсрэх бөмбөг туршиж буй талаар мэдээлж байсан. Тэгвэл АНУ-ын цэргийн шин жээчдийн үзэж буйгаар, уг тэсрэх бөмбөгийн хүчин чадал нь барилга, хамгаалах бэхлэлт зэрэг байгууламжийг богино хугацаанд газрын хөрснөөс арчих хүчин чадалтай гэнэ. Түүнчлэн БНХАУ-ын тэсрэх бөмбөг нь АНУ-ын атомын бус тэсрэх бөмбөгтэй харьцуулахад хэд дахин хөнгөн, зөөхөд авсаархан, хүчин чадлын хувьд илүү байгаа талаар АНУ-ын Тагнуулын ерөнхий газраас гаргасан тайланд онцолжээ.

ГАЗАР ДООГУУРХ БАЙГУУЛАМЖ 

Энэ сарын 13-нд Хятадын ардын чөлөөлөх армийн англи хэл дээрх сайт дээр гарсан нэгэн нийтлэлд Хятадын уулархаг бүс нутагт дайсны халдлагаас хамгаалах зориулалт бүхий газар доогуур ган хэрэм барьж буй талаар мэдээлжээ. Нийтлэлд онцолсноор, уулархаг бүс нутагт газар доогуур цогцолбор барих нь илүү давуу талтай аж. Учир нь тус нутаг нь тэсэлгээ даах чадвартай учир улс орны стратегийн чухал зэвсгийг хадгалахад тохиромжтой байна.

БАЛЛИСТИК ПУУЖИН

АНУ-ын тэнгисийн цэргийн хүчин Өмнөд Хятадын тэнгис дэх арлуудын орчимд баллистик пуужин устгагч байрлуулсны дараа Хятадын ардын чөлөө лөх арми “DF-26” загварын баллистик пуужинг Өмнөд Хятадын тэнгист байрлуулснаа мэдээлж байсан билээ. “Global Times”-ийн мэдээлж буйгаар, Өмнөд Хятадын тэнгист байрлуулсан баллистик пуужин нь 3400 миль буюу 5471 километрийн тусгалтай аж. Бээжин “DF26” загварын баллистик пуужинг өнгөрсөн 2015 онд танилцуулсан бөгөөд одоог хүртэл туршиж үзсэн эсэх нь тодорхойгүй байгаа юм.

ШАНХАЙН ГАЗАР НУТАГТАЙ ТЭНЦЭХҮЙЦ ХЭМЖЭЭТЭЙ АНТЕНН

“China Morning Post” Хятад улс 3700 ам.дөрвөлжин талбай бүхий долгион хүлээн авагч антенн зохион бүтээсэн тухай өнгөрсөн сард мэдээлсэн. Уг антенныг цөмийн шумбагч онгоц нуудтай холбоо тогтооход ашиглахаар төлөвлөж байгаа аж. Ингэснээр шумбагч онгоцнуудыг жолоодоход хүн шаардлагагүй болох бөгөөд шумбагч хөлгийн флот нь БНХАУ, Япон, Вьетнам зэрэг улс хооронд маргаантай байдаг тэнгисийн бүсэд эргүүл хийх юм.

НИСЭХ ОНГОЦ ТЭЭВЭРЛЭГЧ ХӨЛӨГ

Далянь дахь далянь хөлөг онгоц үйлдвэрлэлийн компани “001А” нисэх онгоц тээвэрлэгч хөлөгийн дөрөв дэх туршилтаа амжилттай хийсэн талаараа мэдээлжээ. Тус улсын дотооддоо үйлдвэрлэсэн нисэх онгоц тээвэрлэгч хөлөг нь 315 метрийн урттай, 75 метрийн өргөнтэй, 50 мянган тонн ачаа тээвэрлэх хүчин чадалтай. Хөлөг онгоцны туршилтыг цаашид хэд хэдэн удаа хийж, ирэх 2020 он гэхэд тэнгисийн цэргийн хүчинд хүлээлгэн өгөх төлөвлөгөөтэй байгаа юм байна. Өнгөрсөн дөрөвдүгээр сард Хятадын удирдагч ши Жиньпин “дэлхийн хэмжээний” гэж хэлж болох хөлөг онгоц бүтээх төлөвлөгөөгөө зарласан юм. Энэ төлөвлөгөөний хүрээнд хийж хэрэгжүүлж байгаа төслийн нэг бол дотооддоо бүтээж байгаа хөлөг онгоц тээвэрлэгч хөлөг юм. уг хөлгийн загварыг Зөвлөлтийн үеийн Варяг нисэх онгоц тээгч хөлгийн сууринд тулгуурлан үйлдвэрлэж байсан Ляонин хэмээх Хятадын анхны тээгч хөлөг онгоцын дараагийн загвар болгон сайжруулан бүтээж байгаа юм. шинжээчдийн үзэж байгаагаар, энэхүү шинэ тээвэрлэгч хөлөг нь азийн бүс нутагт Хятадын цэргийн хүч тэргүүлэгч, хүч чадал нь улам нэмэгдэж байна гэдгийг харуулсан гэж үзэж байна.

БӨМБӨГДӨГЧ ОНГОЦ

Хятадын зэвсэглэл бараг тэр чигээрээ өөрийн үйлдвэрийн голдуу хуучин ЗХУ болон ОХУ-ын хуулбарууд гэнэ. Гэхдээ ОХУ-ын “СУЗО”, “СУ27”, “Ми8”, “Ми17” болон АНУ-ын “Sikorsky S-70”, Европын “Eurocopter AS 332 соugar”, “Gazelle”, Канадын “Bombardier challenger 600”, Израилийн “Нагру” зэрэг нисгэгчгүй онгоцууд ч бий. Эдгээрээс 500 гаруй нь Зөвлөлтийн “МИГ-21” сөнөөгчийн хуулбар болох “J-7” юм. БНХАУ нийт 2000 орчим байлдааны онгоцтой тул азийн бүсэд нэгдүгээрт, дэлхийд АНУ, ОХУ-ын дараа ордог.

ЦЭРГИЙН ТОО

АНУ-ын Тагнуулын ерөнхий газрын тайланд дурдсанаар, одоогийн байдлаар тус улсын ардын чөлөөлөх армид 2.3 сая цэрэг алба хааж байгаа бөгөөд бэлтгэл хүч нь 800 мянгад хүрчээ. Цэргийн тоогоороо Бээжин АНУ, Энэтхэг, Хойд солонгос, ОХУ-аас ч түрүүлэв.
БНХАУ-ын армийн хуурай замын ангид армийн нийт бие бүрэлдэхүүний 70 хувь буюу 1.6 сая цэрэг алба хашдаг. Тэнгисийн болон Цэргийн нисэх хүчин тус бүр 250 мянган албан хаагчтай. Харин стратегийн пуужингийн анги нь 120 мянган цэрэгтэй бөгөөд стратегийн цөмийн хүчний мэдэлд 100-400 цэнэгт хошуу байдаг. Үүн дээр нэмээд дайны үед 660 мянган хүнтэй цагдаагийн бие бүрэлдэхүүн Хятадын Батлан хамгаалах яамны мэдэлд шилжсэн. удахгүй хятадууд цэргийнхээ тоогоор төдийгүй зэвсэг техникээрээ дэлхийд тэргүүлэх боломжтой гэдгийг мэргэжилтнүүд онцолж байна. БНХАУ цаашид зэр зэвсгээ сайжруулахын зэрэгцээ батлан хамгаалах салбартаа өндөр технологийг өргөн нэвтрүүлэхээр төлөвлөжээ. Тус улсын арми 7500 танк, 5500 хуягт машин, 2200 цэргийн машин, 25000 их буутай.

Эх сурвалж: https:// edition.cnn.com/2019/01/19/ asia/china-new-weapons2019-intl/index.html

---