Дэлхийн хамгийн өргөн хэрэглээтэй цахим сүлжээнүүдийн нэг “YouTube” суваг  аюултай, хор хөнөөлтэй, амь насанд хүрч болохуйц чэлленж, бичлэгүүдээс татгалзаж байгаагаа мэдэгджээ.

Аюултай, хор хөнөөлтэй бичлэгүүдийг хүмүүс дагаж хийх, дуурайснаар гэмтэж бэртэх, амь насаа алдах ч эрсдэлтэй байдаг. Тиймээс хэрэглэгчдийн аюулгүй байдлыг хамгаалах үүднээс дахин ийм төрлийн бичлэг байршуулахгүй гэж Google-ын эзэмшдэг “YouTube” видео суваг мэдэгджээ.

Нөгөө талаар “YouTube” сувагт байрлуулсан аюултай дүрс бичлэгүүдийг олон сая хүн үзэж, сонирхлыг нь татсан байдаг. Гэсэн ч редакцийн хамт олон эдгээр бичлэгүүдийг дахин байршуулахгүйн тулд хичээж ажиллана гэжээ.

Энэ тухай мэдээлсэн эх сурвалжууд сонирхолтой бичлэг, баримтуудын аль нь аюултай, аль нь аюулгүй гэдгийг хэрхэн ангилах тал дээр эргэлзээтэй гэж үзэж байна.

 

 

 

Бие физилогийн хувьд аюултайгаас гадна насанд хүрээгүйчүүд, хүүхдүүдийн сэтгэлзүйд сөргөөр нөлөөлж, сэтгэлээр унагах бичлэгүүдээс мөн татгалзаж байгаагаа үргэлжлүүлэн мэдэгджээ. “YouTube” суваг хүүхдийн сэтгэлзүйчидтэй хамтран ажиллаж бичлэгүүдэд ангилан ялгалт хийх аж.

Өнгөрсөн оны тавдугаар сард Миннесотад амьдардаг 20 настай Монализа Перез найз залуугаа буудаж хороосны дараа хагас жилийн хорих ял авсан. Тэд бичлэг дуурайж дүрсгүйтэж байгаад алдаа гаргасан байв. Энэ мэтчилэн азгүй, харамсалтай тохиолдол, оролдлуудыг давтахгүй байхыг “YouTube” хүсчээ.

 

Эх сурвалж: www.bbc.com

---