Америкийн Калифорнийн их сургуулийн захиргаанаас Хятадад байх хугацаандаа оюутнуудыг Wechat, WhatsApp зэрэг аппликейшнуудыг хэрэглэхгүй байхыг зөвлөж байна. Хятадын цахим сүлжээ Засгийн газрын хяналтад байдаг учир холбоо харилцааны хэрэгсэл ашиглан бичсэн зүйлсийг нь хууль зөрчсөн гэж үзэн баривчлан саатуулагдахаас сэргийлжээ.

Уг сэрэмжлүүлэг нь өнгөрсөн оны 12 дугаар сарын нэгний өдөр Huawei компанийн гүйцэтгэх захирал Мэн Ванжоуг Вашингтоны хүсэлтээр Канадын Засгийн газар баривчилсантай холбоотой юм байна. Үүний дараахан Хятадад байсан Канад улсын гурван ч иргэн саатуулагдаад байгаа юм.

Түүнчлэн өнгөрсөн сард АНУ-ын иргэнийг Оросын Засгийн газар тагнуулын хэргээр баривчилсан. Оросын эрх баригчид Америкийн иргэний WhatsApp-аар бичсэн мэдээлэл дээр үндэслэн тагнуул гэж үзсэн байна. Wechat, WhatsApp компаниудын төлөөлөгчид одоогоор хариу мэдэгдэл хийгээгүй байна.

 

 

Хятадад хагас сая гаруй гадаад оюутан амьдарч байна. Ихэнх нь барууны орнуудаас оюутан солилцоо, хамтын ажиллагаагаар ирсэн байдаг аж.

 

 

Эх сурвалж: www.cnn.com

---