Сүүлийн үед олон нийтийн цахим сүлжээгээр дамжуулан улс төрийн сонгуулийн дүнд нөлөөлж байна гэсэн шүүмжлэл гарах болсон. АНУ-ын Ерөнхийлөгч Дональд Трамп дэлхий дээр хамгийн олон хэрэглэгчтэй Твиттер, Фэйсбүк, Гүүгл зэрэг олон нийтийн цахим сүлжээнүүдийг улс төрийн зориулалтаар ашиглагдаж байна хэмээн буруутгаад байгаа юм.Твиттерийн захирал Жэк Дорси АНУ-ын Сенатийн танхимын өмнө мэдүүлэг өгсөн. Үүнтэй холбоотойгоор тус компанийн хувьцаа огцом буюу зургаан бүхлээр унаад байна. 2016 оны АНУ-ын сонгуульд хөндлөнгөөс оролцсон хэрэгт Твиттерийг буруутгаад байгаа юм.

 

Жэк Дорсигоос гадна Фэйсбүкийн Үйл ажиллагаа хариуцсан захирал Шэриль Сэндбергийг Сенатын танхимд дуудсан. Түүнчлэн Гүүглийн захирлуудыг урьсан боловч тус корпораци захирлуудаа илгээхээс татгалзаад байгаа юм.

Сенатын танхимын Тагнуулын хороо олон нийтийн цахим сүлжээнүүдийн захирлуудыг дуудахаас өмнө Твиттер компанийн хувьцааны ханш аль хэдийн нэг бүхлээр буурсан байжээ. Бүгд Найрамдах намын гишүүд твиттерээс хайлт хийсэн хаяг хадгалагдаж үлддэг цэсээ устгахыг шаардаж байгаа юм. Харин компанийн зүгээс шаардлагыг биелүүлэхээс татгалзсаар байна. Жэк Дорси “Хувийн компаниудын эрх ашгийг хүндэтгэн үзэхийг Сенатын Тагнуулын хорооноос хүсч, хэрэглэгчдээ илүү боловсролтой болгохыг зорьж ажиллана” гэжээ.

Эх сурвалж: www.cnbc.com

---