УИХ-ын дөрвөн гишүүний бүрэн эрхийг түдгэлзүүлэх санал Прокурорын байгууллагаас УИХ-д өргөн баригдлаа. Халдашгүй байдлын дэд хороо энэ хүсэлтийг хэлэлцэнэ. УИХ-ын чуулганаар яаравчлан хэлэлцэх магадлал өндөртэй байна. Хууль зүй, дотоод хэргийн сайд Ц.Нямдорж нар нэрс орж ирэхийг анаж байсан. Хэдхэн хоногийн өмнө сайд Ц.Нямдорж,

-ЖДҮХС-аас зээл авсан гишүүд, сайд нарын асуудлыг хуулийн байгууллага шалгаад, багцлаад санал оруулаад ирнэ биз дээ. Энд холбогдсон гишүүдийг ёс зүйн хувьд хэзээ ч уучлахгүй. Хуулийн асуудал эцэслээд, бүрэн эрхийн асуудал хөндөгдвөл яг номоор нь хандана, би. Өмөөрөхгүй гэж хэлж байсан.

ЖДҮХС-аас зээл авсан нь эрүүгийн хууль зөрчсөн байх магадлал өндөр байгаа тул Г.Солтан, Б.Ундармаа, Д.Дамба-Очир, Л.Энхболд нарын УИХ-ын гишүүний бүрэн эрхээс нь чөлөөлж өгөөч гэлээ. Хүссэн юм хүзүүгээр татна гэдэгчлэн Ц.Нямдорж нар үүнийг хүлээж байсан.

Ийм учраас олон нийт Ц.Нямдорж нарыг “яг номоор нь хандах”-ыг хүлээж байна. Тэд эдгээр дөрвөн гишүүнээс гадна цаана нь гэмгүй царайлан сугарч үлдээд байгаа Я.Содбаатар, Ж.Энхбаяр нартай ч хариуцлага тооцохыг хоног тоолон хүлээж байна. Нийгэмд шударга байдлыг бага ч атугай тогтоохыг хүлээж байна.

 

---