Альтернатив, гранж рок урсгалын гол төлөөлөгч Америкийн домогт Нирвана хамтлаг 1987 онд байгуулагдсан байдаг. Хамтлагийг гоцлол дуучин, гитарчин Курт Кобайн болон аргил гитарчин Крист Новоселик нар байгуулж байжээ. Нирвана хамтлаг тийм ч удаан оршин тогтноогүй бөгөөд хамтлагийн ахлагч Курт Кобайныг 1994 онд нас барахад тарсан байдаг. Гэвч богинохон хугацаанд тэдний туурвисан бүтээлүүд нь одоо ч эгшиглэсээр байдаг нь тэдний хэр чанартай уран бүтээл туурьвиж байсныг илтгэж байгаа юм.
Тэдний анхны цомог Bleach нэртэйгээр 1989 онд гарсан бөгөөд хүмүүст төдийлөн хүрч чадахгүй л байлаа. Харин хоёрдахь Nevermind (1991) цомгийн эхний сингл болох "Smells Like Teen Spirit" дуу тэдний нэрийн хуудас болон олонд түгсэн байдаг. Энэхүү цомог 30 гаруй сая хувь борлогдож Нирвана хамтлагийг альтернатив, гранж рок урсгалын гол төлөөлөгч болгосон юм. Үнэхээр уг цомогт багтсан 12 дуу бүгд хит болж чадсан юм. 1993 онд тэдний студийн хамгийн сүүлийн цомог болох In Utero цомог нь мөн л шуугиан тарьж 15 сая гаруй хувь борлогдсон байдаг.
Nirvana "MTV Unplugged in New York"
MTV-гийн зүгээс маш олон удаа хэлэлцээ хийсний хүчинд тэд Unplugged тоглолтонд оролцохыг зөвшөөрсөн байдаг. Нирвана хамтлаг MTV Unplugged тоглолтын уламжлалт хэлбэрээс арай өөрөөр тоглохыг хүсч байсан байна. Учир нь тэдэнд MTV Unplugged-ийн өмнөх хувилбарууд огтхон ч таалагдаж байгаагүй аж. Тэд Meat Puppets хамтлагтай хамт тайзан дээр хамт тоглохоор болов. Бичлэг эхлэхээс өмнө Курт Кобайн MTV-гийнхэнтэй бүрэн ойлголцож чадахгүйгээр үл барам маш нервтэй байсан гэсэн яриа байдаг. Курт тайзыг сараана цэцэгс, хар лаа, болор лааны сууриар чимэглэхийг хүссэн байна. Тоглолтыг зохион байгуулагчдын зүгээс Куртээс "Оршуулга шиг үү?" гэж асуухад Курт "Яг зөв. Оршуулга шиг" гэж хариулсан байдаг.
Тоглолтын төгсгөлд "Урьд шөнө чи хаана хоносон бэ?" хуучны блюз дуугаар төгсгөхийг Курт хүссэн байна.
Манай сайт Курт Кобайн болон Нирвана хамтлагийн талаарх бусад мэдээллийг дараа, дараагийнхаа цуврал мэдээллээр хүргэх болно.
