ОХУ-ын алдарт дуучин Н.Обуховойгийн нэрэмжит олон улсын дуурийн дуулаачдын уралдаан энэ сарын 22-25-нд болж өндөрлөсөн. Уг уралдаанд дуурийн залуу дуучин Б.Монголхүү амжилттай оролцож III байрт шалгарсан билээ.

 

П.И.Чайковскийн нэрэмжит Москвагийн хөгжмийн их сургуулийг дүүргэсэн тэрбээр өмнө нь ОХУ-ын Красноярск хотод болсон П.Словцовагийн нэрэмжит олон улсын дуурийн дуулаачдын IV уралдаанд амжилттай оролцож, дэд байр эзэлж байв. 

 

 

Эх орныхоо нэрийг дэлхийн сонгодог урлагийн ертөнцөд цуурайтуулж яваа түүний дүүргэсэн сургуульд Монголын уран бүтээлчдээс анх Төрийн шагналт, ардын жүжигчин, хөгжмийн зохиолч С.Гончигсумлаа суралцаж, Ардын жүжигчин Г.Хайдав, Ардын жүжигчин А.Загдсүрэн, Ардын жүжигчин Б.Жавзандулам гээд олны танил урлагийн алдартнууд суралцаж байжээ.  

---