Apple компанийн iPhone гар утас, iPad таблет хэрэглэгчдэд зориулсан iOS 12.1.2 үйлдлийн систем “App store”-д байршжээ. Хэрэв та Apple компанийн хэрэглэгч бол шинэ үйлдлийн системээ татаж авахыг зөвлөж байна.

Энэ удаагийн үйлдлийн системд хэрэглэгчдэд төдийлөн танил болоогүй шинэ үйлчилгээ нэвтэрсэн нь eSIM юм. Үүнийг  iPhone XS, XS Max болон XR загварын гар утсуудад хэрэглэхэд тохиромжтой байна.

Мөн Apple-ийн энэ онд худалдаанд гарсан шинэ загварын гар утаснуудыг Туркийн үүрэн телефоны орчинд ашиглахад гарсан алдааг шинэ үйлдлийн системээр засчээ.

Энэ хооронд Qualcomm чип үйлдвэрлэгч компани Хятадын дээд шатны шүүхэд Apple-ыг өгч заргалдаад байгаа. Энэ талаар Apple-ын төлөөлөгч хэлэхдээ “одоогоор шүүхийн шийдвэр бүрэн гараагүй байгаа учир ямар нэг байдлаар хууль зөрчөөгүй” гэсэн байр сууриа илэрхийлжээ.

 

Эх сурвалж: www.bgr.com

---