АНУ-ын Ерөнхийлөгчийн сонгуульд ОХУ нөлөөлсөн тухай яригдсаар ирсэн. Сүүлд хийсэн судалгаагаар Орос YouTube, Tumblr, Instagram, PayPal, Facebook, Twitter зэрэг сошиал сүлжээ ашиглан 2016 оны Америкийн Ерөнхийлөгчийн сонгуульд нөлөөлсөн гэдгийг баталжээ.

АНУ-ын Сенатын танхимд уг судалгааг танилцуулж, сошиал медиагаар хуурамч мэдээлэл цацаж, сурталчилгааны хэрэгсэл болгож байгааг онцолсон байна.

Оксфордын Их сургуулийн Тооцооллын сурталчилгааны төсөл болон Графика цахим сүлжээнд анализ хийдэг фирм хамтран ОХУ-ын Засгийн газар сошиал сүлжээ ашиглан сонгуулийн үр дүнд хэрхэн нөлөөлснийг судалжээ. Уг судалгаа нь анх удаа Twitter, Google, Facebook зэрэг цахим хуудсуудад нийтэлсэн сая сая постыг нягтлан шалгасан явдал болсон юм.

Америкийн Сенатын танхим IRA буюу Оросын Интернэт судалгааны агентлагийг хамгийн сэрдэж байгаа. Тус компани Кремлийн эрх баригчидтай хамтран ажиллаж цагаачлал, буу эзэмших эрх, Африк гаралтай Америк иргэд зэрэг сонгуульд нөлөөлж болохуйц сэдэвтэй постуудыг ашиглан сонгогчдод нөлөөлсөн гэжээ.

Мэдээж энэ бүхэн АНУ-ын 45 дахь Ерөнхийлөгчөөр сонгогдоход Дональд Трампад болоод Бүгд найрамдах намын эрх баригчдад хамгийн их ашигтай байсныг шинээр хийсэн мэдээлэл судалгаанд дурдсан байна.

 

Эх сурвалж: www.bbc.com

---