Монгол Улсын Ерөнхий сайд Г.Занданшатар, Монгол Улсын сайд, Засгийн газрын Хэрэг эрхлэх газрын дарга С.Бямбацогт тэргүүтэй УИХ, Засгийн газрын гишүүд өнөөдөр (2025.07.19) Өмнөговь аймгийн Цогтцэций суманд “Эрдэнэс тавантолгой” ХК-ийн үйл ажиллагаатай биечлэн танилцаж, тодорхой асуудлууд дээр харилцан санал солилцлоо.

Мөн Монгол Улсын Засгийн Газрын 2025 оны 07 сарын 09-ний өдрийн 26 дугаар тогтоолоор “Эрдэнэс тавантолгой” ХК-д “Онцгой дэглэм тогтоосон”-той холбоотойгоор тус компанийн уурхайн үйл ажиллагаа, төсөл хөтөлбөрүүдтэй танилцаж, тулгамдаж буй зарим асуудлуудыг хэрхэн шийдвэрлэх талаар чиглэл өгч ажиллалаа.

Ажлын хэсэгт:

👉Монгол Улсын Ерөнхий сайд Г.Занданшатар

👉Монгол Улсын сайд, Засгийн газрын Хэрэг эрхлэх газрын дарга С.Бямбацогт

👉Сангийн сайд Б.Жавхлан

👉Зам, тээврийн сайд Б.Дэлгэрсайхан

👉Аж үйлдвэр, эрдэс баялгийн сайд Г.Дамдинням

👉Ерөнхий сайдын ахлах зөвлөх М.Баярмагнай

👉ЗГХЭГ-ын Бүх, орон нутгийн удирдлага, зохицуулалтын газрын дарга П.Зоригтбаатар

👉”Эрдэнэс Монгол” ХХК-ийн Гүйцэтгэх захирал С.Наранцогт

👉”Эрдэнэс Монгол” ХХК-аас БЭТ-ийн багийн ахлагч У.Бямбасүрэнгээр ахлуулсан гишүүд, холбогдох албаны хүмүүс оролцлоо.

---