Нийслэлийн Хан-Уул дүүргийн 19 дүгээр хороонд байрлах орон сууцны байранд "Цахилгаан дамжуулах кабель утас шатаж байна" гэх дуудлага тавдугаар сарын 27-ны өдрийн 13:35 цагт Онцгой байдлын ерөнхий газарт иржээ.

Дуудлагын дагуу Онцгой байдлын албаны 14 дүгээр ангийн алба хаагчдыг очиход тус байрны зургаан давхраас, 13 дугаар давхар хүртэлх цахилгааны утас шатаж байжээ. Галын улмаас үүссэн утаажилтын бүсээс 85 иргэнийг гаргаж галыг унтраажээ.

---