ХХААХҮ-ийн сайд Ж.Энхбаяр импортын гурилыг татвартай болгох хуулийн төсөл УИХ дээр унасан асуудлаар мэдээлэл хийв. Тэрбээр "Монгол Улсад улаан буудай тариалж, гурил үйлдвэрлэх шаардлагагүй гэдэг бодлого батлагдлаа" хэмээн бухимдав. 

УИХ-ын гишүүн, ХХААХҮ-ийн сайд Ж.Энхбаяр: 

-Монгол Улсын парламент өнөөдөр газар тариалангийн түүхэнд хараар бичигдэх хуулийг баталлаа. Монгол Улс газар тариалан эрхлэх шаардлагагүй гэдэг бодлогыг баталлаа. Энэ бол Монгол Улсын үндэсний аюулгүй байдалд нөлөөлөхүйц шийдвэр гэж би үзэж, харамсаж байна. 

Хаврын тариалалт ид явагдаж байгаа энэ цаг үед "Улаан буудай тарих шаардлагагүй", "Дотооддоо гурил үйлдвэрлэх шаардлагагүй" гэдэг бодлого баталлаа. Олон сая доллараар гаднаас бэлэн гурил, малын тэжээл авдаг болсон. Үүнийг залруулъя гэтэл УИХ дэмжсэнгүй. 

1990-ээд оны дундуур бүх өргөн хэрэглээний барааг гаднаас авъя гэдэг бодлого батлагдаж байсан. Үүний дүнд газар тариалангийн салбар унаж, хагалсан газар шарилжиндаа баригдаж байсан. 2008 онд С.Баярын Засгийн газар "Атрын-2" аяныг зохион байгуулснаар энэ салбар дахин сэргэн мандсан юм. Харин өнөөдрөөс энэ салбар дахин уналтад орлоо... 

---