Манай улсын экспортын гол бүтээгдэхүүн болсон нүүрсний үнэ унасантай холбогдуулж эдийн засаг хямрах байдал руу гулсан орж байна. Засгийн газраас "Алт-3" хөтөлбөрийг хэрэгжүүлэхээр батлаад байгаа. Энэ талаар УИХ-ын гишүүн Ч.Анарын байр суурийг сонирхлоо. 

УИХ-ын гишүүн Ч.Анар: 

-Нүүрс, зэс, алтны экспортоос хамааралтай манай улсын хувьд дэлхийн зах зээл дээр ашигт малтмалын үнэ, тэр дундаа нүүрсний үнэ унасантай холбоотойгоор хүндхэн нөхцөл байдалд орчихлоо. Дэлхийн эдийн засагт хямрал болох нь тодорхой боллоо. Манай улсын төсвийн орлого, зарлага хоёр зөрчихлөө. Үүнээс уул уурхайн баялгаа ашиглаж гарахаас өөр аргагүй. 

"Алт-3" хөтөлбөрийг хэрэгжүүлэх нь зайлшгүй болоод байна. Саад болж байгаа зүйл нь УИХ-аас батлан гаргасан хуулиуд болж байгаа. Урт нэртэй хууль зэрэг хуулиудыг яаралтай өөрчлөх ёстой гэж үзэж байгаа гэв. 

---