"Ардчилсан нам засгаас гарах ёстой гэж 16 гишүүн нь үзээд Л.Гантөмөр даргатайгаа дотоодын хэрүүл тэмцэлтэй байгаа. Энэ асуудлыг улам даамжруулаад улс төрийн зорилго агуулж байгаа нь ядруухан акц гэж үзэж байна" гэж УИХ-ын гишүүн Н.Номтойбаяр хэллээ.

УИХ-ын гишүүн Н.Номтойбаяр:

-Ялсан намын дарга Ерөнхий сайд хийж ирснээр парламент засгийн газрын дэргэдэх хэлтэс шиг явж ирсэн. Энэ байдал үндсэн хуулийн өөрчлөлтөөр өөрчлөгдсөн. Парламентын засаглалтай улс шүү гэдгийг харуулсан үйлдэл болж байна. Ерөнхий сайд уучлалт гуйх, гуйхгүй гэдэг асуудал дээр хуулиа дагах уу, хүн чанараа дагах уу гэдэг асуудал гарч ирсэн. Энэ байтугай л асуудал олон асуудал гардаг.

Би ерөнхий сайдын оронд байсан бол Ж.Баярмаа гишүүнээс уучлалт гуйчихна. Гэхдээ бас уучлалт заавал гуйх ч шаардлага байхгүй. Энэ асуудлыг улам даамжруулаад улс төрийн зорилго агуулж байгаа нь ядруухан акц гэж үзэж байна. "Ардчилсан нам засгаас гарах ёстой" гэж 16 гишүүн нь үзээд, даргатайгаа дотоодын хэрүүл тэмцэлтэй байгаа. Үүнийг өгөөш болгон далимдуулж байна. Хямдхан, инээдтэй санагдаж байна гэв. 

---