"Рио Тинтогийн Зэсийн группийн захирал Б.Болд зургаан улстөрчид их хэмжээний мөнгө шилжүүлсэн байна. Дубайн гэрээтэй холбоотой авлигын мөнгө байж болзошгүй" гэж УИХ-ын Төсвийн байнгын хорооны дарга Ц.Даваасүрэн хэлэв. 

УИХ-ын Төсвийн байнгын хорооны дарга Ц.Даваасүрэн:

-Рио Тинтогийн зэсийн захирал Б.Болд гэдэг хүний данснаас Монголын зургаан төрийн өндөр албан хаагчдад мөнгө шилжүүлсэн байдаг. Төрийн нууцтай холбоотой мэдээлэл учраас нэрсийг нь хэлэх боломжгүй байна. Тэдгээр хүмүүс одоо УИХ-ын гишүүн биш. Энэ бол Дубайн гэрээтэй холбоотой асуудал. Эдгээр улс төрчдөд авлига өгсөн гэдгийг нотолж чадвал хөрөнгө оруулалтын гэрээг өөрчлөх боломжтой юм. Хоёрдугаарт, “Онтри гоулд”-ын ашиглалтын хоёр лиценз байна. Энэ чинь өөр хүний талбай. Тэнд хамгийн их алт байгаа. Тийм учраас энэ гэрээг өөрчлөх ёстой.

С.Баяр, Б.Цэцэг гэдэг хоёр хүн намайг бяслагийн үйлдвэр бариулах гэж байна гэж гүтгэсэн. Тэгээд би нэр төрөө сэргээлгэхээр шүүхэд хандсан. Гэтэл тэр хоёр хүн шүүх хуралд ирдэггүй. С.Баяр нь "Нүдний хагалгаанд орсон. Юм харах боломжгүй" гээд шүүх дээр очихгүй байна. Б.Цэцэг нь оршин суух хаяг нь тодорхойгүй гэв. 

---