Шинэ хоршоо хөдөлгөөний хүрээнд 600 тэрбум төгрөгийн зээлийг олгожээ. Нийт 23 мянган малчин өрх хамрагдаж 6300 гаруй хоршоо байгуулагджээ. 

УИХ-ын гишүүн М.Мандхай:

-Шинэ хоршоо хөдөлгөөний хүрээнд 600 тэрбум төгрөгийн зээлийг олгосон байна. 23 мянган малчин өрх хамрагдаж 6300 гаруй хоршоо байгуулагдсан байна. Нийт зээлийн 70 хувь нь үржлийн мал худалдан авсан байна.

Түүнчлэн аймаг бүрийн хүчин чадлын судалгааг хийхээр төлөвлөж байна. Илүү боловсронгуй болгож дараагийн шатанд бараа бүтээгдэхүүнээ нийлүүлэх боломж бүрдэнэ гэж харж байна. Энэ ч утгаараа Шинэ хоршоо бүсчилсэн хөгжилтэйгөө уялдаж байгаа юм.

Бүсчилсэн хөгжлийн хүрээнд бүс бүр өөрийн тэргүүлэх төслүүдээ тодорхойлсон. Бүс бүрд бүсчилсэн хөгжлийн зөвлөл байгуулагдсан. Тухайн бүсэд харьяалагдах аймгийн засаг дарга нар нэг нэг жилээр ээлжилж зөвлөлөө удирдана. Бүсчилсэн хөгжлийг зөвхөн дэд бүтэц, барилга байгууламж гэхээсээ илүүтэйгээр аялал жуулчлал, соёл, хөдөө аж ахуйн салбар дээр бүсчлэн хөгжүүлэхээр төлөвлөсөн. Бүс бүр дээр түүхий нөөцийн ямар давуу талд байна. Эдийн засгийн өсөлтийн цэг нь хаана байна вэ гэдгийг тодорхойлоод түүнд тулгуурлаад Шинэ хороо, Хүнсний хувьсгал, Цагаан алт хөтөлбөрийн үйлдвэрлэл явуулах ТЭЗҮ-г боловсруулахаар ажиллаж байна гэв. 

 

---